Lasaña de champiñóns e espinacas

Xa fixera este prato noutras ocasións, para aproveitar as ricas espinacas que temos na casa. O que non lembro é de onde sacara a receita, así que metendo o título no buscador apareceron innumerables blogues e webs (como alucinaensabores.wordpress.com, recetasgratis.net, ou gallinablanca.es) nas que poñen máis o menos o mesmo. Eu fago as miñas adaptacións, como aproveitar un resto de polo, ou engadirlle a bechamel, que para a lasaña me gusta máis (aínda que lle sae mellor a Saraghallada que a min...).

[caption id="attachment_318" align="aligncenter" width="300" caption="Lasaña con champiñóns e espinacas"] [/caption]

Ingredientes

• 20 placas de lasaña


• 350 gr. de champiñóns


• 250 gr. de xamón serrano


• 250 gr. de espinacas


• 1 cebola


• 2 dentes de allo


• 200 gr. de queixo curado


• 200 gr. de queixo cheddar


• 50 gr. de queixo parmesano


• ½ l. de salsa de tomate


• ½ l. de salsa bechamel


• Sal, aceite de oliva e albahaca

Elaboración

1.- Para calcular a pasta que precisamos, collemos a fonte de forno que usaremos e poñemos unha capa de placas de proba; multiplicámolas polas alturas que lle deamos (a min collíanme 3, x6 alturas, ou sexa 18, máis algunha de reserva para cubrir buratos). Botamos as placas de lasaña unha a unha en abundante auga con sal e un chorro de aceite. Cócense 7-8 minutos sen parar de remexer con coidado, para que non rompan. Botámoslle auga fría e estendémolas sobre un pano para que escorran.

[caption id="attachment_312" align="alignleft" width="300" caption="Cocemos a pasta"][/caption]

[caption id="attachment_313" align="alignright" width="300" caption="Escorremos as placas nun pano"][/caption]

2.- Picamos as espinacas cocidas e mesturámoslle os queixos curado e cheddar (eu engadinlle polo picado, pasado pola tixola, que me sobrara doutra comida). Reservamos esta mestura.

3.- Douramos a cebola e o allo picadiños, e logo engadímoslle o xamón picado. Ao pouco, os champiñóns, e logo de dez minutos, a salsa de tomate (eu fíxena caseira, moito máis saborosa). Cando se faga ben este, botámoslle a albahaca e reservamos.

[caption id="attachment_314" align="aligncenter" width="300" caption="Mestura con xamón e champiñóns"][/caption]

4.- Facemos unha salsa bechamel, máis ben líquida (cousa que a min non me saiu; para a receita, podedes usar a de http://www.recetasgratis.net/Receta-de-Salsa-bechamel-receta-26933.html. A ver se Saraghallada colga a súa algún día!).

[caption id="attachment_326" align="aligncenter" width="300" caption="Salsa bechamel"][/caption]

5.- Nunha fonte para o forno, poñemos un pouco de mantequilla no fondo e cantos, e a primeira capa de pasta. Alternaremos unha capa de espinacas e outra de champiñóns (a esta boteille un pouco de bechamel enriba). Facemos outras dúas capas.

[caption id="attachment_315" align="aligncenter" width="300" caption="Imos poñendo as capas"][/caption]

5.- Rematamos cunha última capa de pasta, que cubrimos coa bechamel restante e espolvoreámoslle o queixo parmesano.

[caption id="attachment_321" align="aligncenter" width="300" caption="Lista para ir ao forno"][/caption]

6.- Metemos no forno a 200º 10 minutos e gratinámolo 2 minutos máis.

[caption id="attachment_322" align="aligncenter" width="300" caption="Resultado final"][/caption]