Pasta con salmón e espinacas

Esta receita sacouna Pataca Brava dunha amiga. A combinación de espinacas e salmón é moi frecuente, tanto con pasta como en pizza.

[caption id="attachment_1503" align="aligncenter" width="500" caption="Pasta con salmón e espinacas"][/caption]

Conste que hoxe a receita non me saíu como debería, pois quedeime curta coa nata, así que resultou algo seca. Pero outra vez que a faga e me saia ben, colgarei fotos que lle fagan máis xustiza.

É un prato farturento, e rápido de facer. Eu uso salmón afumado, pero pódese cambiar por salmón fresco, engadíndolle sal (co afumado non é necesario).

Ingredientes (para 2 persoas)

• 200 gr. de pasta


• 300 gr. de salmón afumado


• 300 gr. de espinacas


• 2 ou 3 dentes de allo


• 1/2 l. de nata líquida


• 50 gr. de queixo azul


• 50 gr. de queixo relado


• Aceite de oliva e sal

Elaboración

1.- Temos que facer por separado en dúas tixolas o salmón e as espinacas. Para o peixe, non necesitamos botar nada máis (é moi graxo); simplemente, troceámolo un pouco e dámoslle voltas.

[caption id="attachment_1494" align="aligncenter" width="500" caption="Pasamos o salmón"][/caption]

Cando estea ben feito, apagamos o lume e reservamos.

[caption id="attachment_1495" align="aligncenter" width="500" caption="Reservamos o salmón"][/caption]

2.- Á parte, botamos un pouco de aceite nunha tixola e salteamos o allo fileteado.

[caption id="attachment_1496" align="aligncenter" width="500" caption="Salteamos o allo"][/caption]

Antes de que doure de máis, engadimos as espinacas en anacos.

[caption id="attachment_1497" align="aligncenter" width="500" caption="Botamos as espinacas"][/caption]

Salteamos uns minutos, dando voltas.

3.- Imos cocendo a pasta en auga abundante con sal e un chorro de aceite, o tempo que recomende o fabricante (neste caso, fixen uns fusilli xigantes, que coceron en 12 minutos).

[caption id="attachment_1498" align="aligncenter" width="150" caption="Cocemos a pasta"][/caption]

Escorrémola e reservámola na mesma pota, ao quente.

4.- Mesturamos o salmón e as espinacas e salteámolos xuntos dous minutos.

[caption id="attachment_1499" align="aligncenter" width="500" caption="Xuntamos salmón e espinacas"][/caption]

5.- Botamos a nata líquida e deixamos que coza, a lume lento, uns cinco minutos.

[caption id="attachment_1506" align="aligncenter" width="500" caption="Engadimos a nata"][/caption]

(Na foto vese menos nata da que debería levar, polo que quedou algo seco e demasiado salgado polo salmón).

[caption id="attachment_1507" align="aligncenter" width="500" caption="Cocemos ben"][/caption]

Imos prendendo o forno na opción de gratinado (moita calor, só arriba).

6.- Cortamos o queixo en anacos e botámolo sobre a pasta, que se aínda está quente fundirase sen problema remexendo un pouco.

[caption id="attachment_1508" align="aligncenter" width="500" caption="Fundimos o queixo coa calor da pasta"][/caption]

(Eu non tiña queixo azul, que se desfai mellor. Boteille un asturiano semellante ao de cabrales, pero máis suave).

Dispoñemos a pasta nunha fonte para o forno.

[caption id="attachment_1509" align="aligncenter" width="500" caption="Preparamos nunha fonte para o forno"][/caption]

7.- Enriba, distribuimos o mexunxe de salmón e espinacas.

[caption id="attachment_1513" align="aligncenter" width="500" caption="Botamos a mestura"][/caption]

Cubrímolo co queixo relado para gratinar.

[caption id="attachment_1512" align="aligncenter" width="500" caption="Cubrimos co queixo"][/caption]

8.- Metemos no forno ata que toste un pouco o queixo

[caption id="attachment_1514" align="aligncenter" width="500" caption="Resultado final"][/caption]

 

Guiso de pasta e garavanzos

Na casa de Pataca Brava gostan moito deste prato, que denominan "ghisote". A receita vén de vello, pois xa a facía a súa avoa.

[caption id="attachment_1412" align="aligncenter" width="500" caption=""Ghisote""][/caption]

Agora que os porcos xa están no sal, presentamos esta receita para facer con carne salgada. Nesta ocasión fixémola con ósos de xoán (espinazo, en castelán) e unlla, pero teño ganas de facela con costela, máis que nada porque o guiso quedou cheíño de pequenos ósos que me incordiaron un pouco ao comer  (iso si, a carne é moi rica).

Ingredientes (para 2 persoas)

• 800 gr. de carne salgada


• 200 gr. de garavanzos


• 100 gr. de pasta ("tiburóns")


• 1 cebola


• 2 dentes de allo


• Pementón doce


• Colorante


• Aceite de oliva

Elaboración

1.- Cunhas horas de antelación, deixamos os garavanzos a inchar en auga (por exemplo, da mañá ao mediodía). Antes de cociñalos, escorrémolos.

[caption id="attachment_1419" align="aligncenter" width="150" caption="Garavanzos"][/caption]

2.- Sofritimos a cebola picadiña e o allo nunha pota.

[caption id="attachment_1415" align="aligncenter" width="500" caption="Facemos a cebola e o allo"][/caption]

3.- Unha vez desalgada a carne, lavámola ben e escorrémola.

[caption id="attachment_1409" align="aligncenter" width="500" caption="Carne salgada de porco"][/caption]

Botámola na pota coa cebola e o allo e refogámola uns minutos.

[caption id="attachment_1416" align="aligncenter" width="500" caption="Pasamos un pouco a carne"][/caption]

4.- Cubrimos de auga e deixamos cocer 20 minutos (depende do tipo de carne; a unlla, por exemplo, precisa máis tempo). Eu fíxena 10' na ola rápida.

[caption id="attachment_1420" align="aligncenter" width="500" caption="Cocemos a carne"][/caption]

5.- Engadimos os garavanzos e cocemos 30' máis (a metade na ola rápida).

[caption id="attachment_1421" align="aligncenter" width="500" caption="Engadimos os garavanzos"][/caption]

6.- Botamos unha culleriña de pementón doce e o colorante. Neste intre tamén boatariamos o sal, pero seguramente non lle faga falta (a carne salga moito).

[caption id="attachment_1426" align="aligncenter" width="500" caption="Pementón e colorante"][/caption]

7.- Remexemos e engadimos a pasta.

[caption id="attachment_1427" align="aligncenter" width="500" caption="Finalmente, engadimos a pasta"][/caption]

Deixamos cocer 10 minutos máis e retiramos do lume.

[caption id="attachment_1428" align="aligncenter" width="500" caption="Cocemos a pasta"][/caption]

[caption id="attachment_1429" align="aligncenter" width="500" caption="Resultado final"][/caption]

 

Guiso de carne con pasta

Chega o outono e xa apetece facer guisos.

[caption id="attachment_1214" align="aligncenter" width="500" caption="Guiso de carne con pasta"][/caption]

Cando a miña nai facía este, a min non me gustaba nada, porque de nova prefería a pasta en branco, así que os meus irmáns máis eu lle botabamos unha chea de tomate fritido para que se parecera algo á pasta que queriamos.

Este prato é ideal para facer o día anterior, deixando o preparado coa carne, e engadíndolle ao día seguinte só a pasta e a auga, co que cociñariamos en 15 minutos (o mesmo acontece cos guisos de arroz ou pataca).

Hoxe apurei un pouco a receita facendo a carne na ola rápida, co que me quedou brandiña e, en consecuencia, un guisiño ben xeitoso e rico. Aí vai!

Ingredientes (para 3 persoas):

• 450 gr. de carne de tenreira


• 300 gr. de pasta


• 1 cebola


• 1 cenoria grande


• ¼ pemento vermello


• ¼ pemento verde


• 2 dentes de allo


• 1 tomate maduro e pequeno


• ½ vaso de viño branco


• Caldo de verdura, carne ou polo (senón, auga)


• Azafrán e colorante


• Sal e aceite de oliva

Elaboración:

1.- Nunha pota, facemos un refrito coas verduras picadas e tres culleradas de aceite (o allo e mailo tomate aínda non llo botamos), remexendo para que non se queime.

[caption id="attachment_1215" align="aligncenter" width="500" caption="Pasamos as verduras"][/caption]

2.- Cando estean brandiñas botámoslle a carne en anacos e o allo picado, e deixamos uns minutos, remexendo de cando en vez.

[caption id="attachment_1216" align="aligncenter" width="500" caption="Engadimos a carne"][/caption]

3.- Engadímoslle o tomate, sen tona, en anaquiños. Deixamos tres ou catro minutos máis.

[caption id="attachment_1217" align="aligncenter" width="500" caption="Botámoslle o tomate"][/caption]

4.- Unha vez listo o refrito, botamos o viño, deixándoo dous minutos.

[caption id="attachment_1218" align="aligncenter" width="150" caption="Engadímoslle o viño"][/caption]

Logo, auga (ou caldo) que cubra a carne, e deixamos que se consuma o líquido (unha ½ hora) a lume lento. Eu fíxeno 15 minutos na ola rápida.

[caption id="attachment_1219" align="aligncenter" width="150" caption="Deixamos que se coza a carne"][/caption]

5.- Engadimos a pasta, azafrán e colorante, sal e auga ou caldo que cubra a pasta.

[caption id="attachment_1220" align="aligncenter" width="500" caption="Cocemos a pasta"][/caption]

6.- Facemos 15 minutos a lume suave.

[caption id="attachment_1221" align="aligncenter" width="500" caption="Resultado final"][/caption]

Pasta con mexilóns

Tiña gardada esta receita desde hai moito tempo, recortada dunha revista dominical, e nunca me animara a facela. Hoxe tocou, que tiña gañas de algo distinto e fácil de facer.

[caption id="attachment_1180" align="aligncenter" width="500" caption="Pasta con mexilóns"][/caption]

A receita inicial é de Martín Berasategui, que eu variei á miña maneira. Como soe pasar, os ingredientes do cociñeiro non se corresponden exactamente co que amosan as fotos, polo que a unha nunca lle sairá como a el... Faráo adrede, supoño. ;-)

De todos xeitos, quedou rico, así que aí vai.

Ingredientes (para 4 persoas)

• 400 gr. de pasta branca


• 2 kg. de mexilóns


• 1 cebola grande


• 1 dente de allo


• Un chorro de viño branco


• 1 culleriña de pimentón doce


• 100 ml. de nata líquida


• 2 culleróns de salsa de tomate


• Pirixel


• Unha noz de manteiga


• Sal e aceite de oliva

Elaboración

1.- Se non temos en reserva, primeiro abriremos os mexilóns ao vapor e faremos a salsa de tomate.

[caption id="attachment_1188" align="aligncenter" width="500" caption="Abrimos os mexilóns ao vapor"][/caption]

(Para abrir os mexilóns, poñemos unha pota grande ao lume cunha póla de loureiro e os mexilóns limpos enriba, sen auga. Os moluscos irán soltando a súa auga, así que non se pegará. Tapamos a pota, e vixiamos que non bote por fóra, sacando o testo de vez en cando e remexendo para que todos os mexilóns abran. Cando estean, nuns minutos, retirámolos do lume e deixamos refriar.)

[caption id="attachment_1189" align="aligncenter" width="500" caption="Salsa de tomate caseira"][/caption]

Podemos reservar a auga que soltaron os mexilóns, coada, para cocer logo a pasta.

[caption id="attachment_1191" align="aligncenter" width="150" caption="Auga dos mexilóns"][/caption]

2.- Facemos un sofritido coa cebola picadiña e o allo. Cando estea transparente (a min pasóuseme), engadimos o pimentón. Dámoslle unhas voltas rápidas e botamos o viño e medio vaso de auga.

[caption id="attachment_1190" align="aligncenter" width="500" caption="Facemos un sofrito"][/caption]

Deixamos reducir uns cinco minutos a lume suave.

3.- Cócese a pasta en abundante auga (eu empreguei tamén a de abrir os mexilóns) con sal e un chorro de aceite de oliva, ata que estea “al dente”. Escorrémola e reservámola.

4.- Seguindo coa salsa, botamos a nata líquida e a salsa de tomate (podemos engadir moita máis, ao gusto) e deixamos que coza uns minutos, comprobando o sal.

[caption id="attachment_1192" align="aligncenter" width="500" caption="Engadimos a nata e o tomate"][/caption]

5.- Engadimos os mexilóns e a pasta recén cocida, dándolle unhas voltas e apagando o lume. Botámoslle o pirixel picadiño e a manteiga en anaquiños, mesturando ben.

[caption id="attachment_1195" align="aligncenter" width="500" caption="Mesturamos todo"][/caption]

Fusilli con tomate e vinagre balsámico

[caption id="attachment_1036" align="aligncenter" width="500" caption="Fusilli con tomate e vinagre balsámico"][/caption]

Outra receita mais, do libro “La biblia de la pasta”. Non é a miña intención publicar o libro enteiro, pero é que este prato o preparei tantas veces que xa o considero da casa, e como aquí publicamos as receitas que facemos na casa ...

É este un prato sinxelo, fácil de preparar, que non leva carnes nin peixes (-> para vexetarian@s!!). Ten un sabor moi moi rico e un tanto sorprendente, e por iso gostamos tanto de cociñalo e servilo na mesa. A clave estea na acertada combinación de sabores dos ingredientes, polo que non se deben cambiar por cousas similares e deben ser de calidade.

Ingredientes (2 persoas):

[caption id="attachment_1037" align="aligncenter" width="500" caption="Ingredientes dos fusilli con tomate"][/caption]

• 1 lata grande de tomate enteiro en conserva (uns 800 g)


• 2 anacos de tomate seco en aceite, cortados moi finos (moi bós os de El Navarrico)


• 2 dentes de allo, esmagados e cortados finos


• un pouco de aceite de oliva


• 1 culler de azucre


• 250 g de fusilli (hélices)


• 1 ou 2 culleres de vinágre balsámico (vinagre de Módena)


• Sal e pementa negra


• 50 g de queixo pecorino; como eu non o atopei, uso o queixo parmesano, cortado en virutas ou láminas finas


• Unha taza de follas de rúcola frescas, un pouco picadas (as do Carrefour non son boas)

Elaboración:

[caption id="attachment_1038" align="aligncenter" width="500" caption="Tomates en lata picados"][/caption]

1. Picamos un pouco os tomates e reservamos xunto coa propia auga que ven na lata. Rustrimos suavemente no aceite o allo e os tomates secos, sen que se queimen, e logo engadimos os tomates de lata, o azucre, sal e pementa, e a maioría da auga da lata de tomate. Cociñamos a salsa a bo lume durante uns minutos e logo deixamos que se faga a lume lento, uns 20 ou 30 minutos.
   
   [caption id="attachment_1039" align="aligncenter" width="280" caption="Cociñando a pasta e o tomate"][/caption]


2. Imos cociñando a pasta adecuadamente con aceite e sal en auga fervendo.


3. Cando a salsa estea lista, engadimos o vinagre balsámico e cociñamos un par de minutos.
   
   [caption id="attachment_1040" align="aligncenter" width="500" caption="Rúcola e queixo parmesano"][/caption]


4. A pasta escorrida se mestura coa salsa nun recipiente que estea quente (para que non enfríe tan facilmente). O queixo e a rúcola se poden botar sobre a pasta ou servilos aparte.

Lasaña de vieiras e langostinos

[caption id="attachment_916" align="aligncenter" width="500" caption="Lasaña de vieiras e langostinos"][/caption]

Aprendín a facer este exquisito prato do libro "La biblia de la pasta", que reseñamos nunha anotación anterior. Ando na busca de receitas que integren a pasta cos productos do mar, e esta era unha das que mellor pinta tiñan. Aínda que os langostinos non son galegos, probablemente se poida adaptar para facela con outros produtos do país. Os ingredientes son caros, pero o resultado é moi rico e diferente, ideal para ocasións especiais.

[caption id="attachment_914" align="aligncenter" width="500" caption="Ingredientes da lasaña"][/caption]

Ingredientes (4-5 persoas):

• 8 vieiras


• 500 gr de langostinos, crus e pelados


• 2 dentes de allo, aplastados


• 50+25 gr de manteiga


• 50 gr de fariña


• 600 ml de leite (moi quente)


• 100 ml de nata líquida


• 100 ml de viño branco seco (non ácido!)


• 1/2 sobre de azafrán moido


• 2 cayenas  (das pequenas) moi picadas


• 130 gr de queixo gouda en lonchas finas (a receita orixinal usa queixo fontina; o gouda non é o mesmo pero pode substituílo)


• 75 gr de queixo parmesano recén raiado


• 10 ou 12 follas de lasaña (para dúas capas)


• sal e pementa negra moida

Preparación

1. Temos que prequentar o forno a 190º C


2. Cortamos as vieiras, os corais e os langostinos en anacos pequenos. Picamos o allo moi fino e mesturamos co marisco picado. Engadimos sal e pementa ao gosto á esta mestura.


3. Poñemos unha pota grande con auga ao lume máximo. Cando rompe a ferver, bótase sal e un pouco de aceite, e imos botando as follas de lasaña a cocer. Hai que vixiar moito no comezo da cocción para que as follas non se queden pegadas entre si, procurando separalas con unha culler de madeira ata que abrandan un pouco e vemos que esvaran ben entre elas. Despois deste punto é moi difícil que se queden pegadas. Cando a pasta está cocida, se escorren con coidado nun escurridor e se refrescan un pouco con auga fría para parar a cocción e se estenden nun pano limpo.


4. Nunha tixola derretese suavemente 25 gr de manteiga e se saltea o marisco nela a lume medio, durante un par de minutos ou ata que os langostinos collan un pouco de cor.
   
   [caption id="attachment_919" align="aligncenter" width="500" caption="Vieiras e langostinos salteados con manteiga"][/caption]
   
   Se reserva o marisco nun prato aparte, procurando escurrir ben o caldo e a manteiga na tixola.


5. Usaremos o caldo e a manteiga que quedou na tixola, ademais do resto da manteiga, a fariña e o leite, para preparar unha salsa bechamel moi sabrosa. Para isto engádese toda a manteiga na tixola e derrétese suavemente. Incorpórase entón a fariña, pouco a poco, procurando que quede ben mesturada coa manteiga (axuda un pouco se se vai botando a fariña a través dun colador ou tamizador). Cocíñase durante un ou dous minutos (o lume non pode ser forte).


6. Neste momento debemos comezar a engadir o leite quente, pouco a pouco, removendo ben a mestura con un batedor de varillas, ata que forme unha pasta homoxénea, sen grumos.Engadimos un pouco mais de leite e removemos outra vez, con enerxía, ata que se forma outra vez unha masa homoxénea. O proceso se repite ata que todo o leite queda incorporado e a bechamel queda ligada. Consellos (1) Para que o leite se mesture ben ten que estar moi quente. (2) É moito mais fácil usando o batedor (3) Non podemos botar demasiada cantidade de leite de cada vez, pois será difícil desfacer os grumos que sempre se forman.
   
   [caption id="attachment_923" align="aligncenter" width="500" caption="Salsa bechamel"][/caption]


7. Engádese á bechamel a nata líquida, o viño, o azafrán, a cayena, e sal e pementa ao gosto. Se cociña un par de minutos e se retira do lume.


8. Prepárase a lasaña nunha fonte de forno: bótase un terzo da salsa no fondo. Sobre ela se coloca a metade do queixo gouda, ben repartido. Por encima botamos un terzo do queixo parmesano, logo a metade do marisco e por último cubrimos con unha capa de follas de lasaña.
   
   [caption id="attachment_928" align="aligncenter" width="500" caption="Montaxe da lasaña"][/caption]
   
   Se repiten unha segunda vez as mesmas capas: 1/3 da salsa, a outra metade do queixo gouda, 1/3 do queixo parmesano, o resto do marisco e a segunda capa de follas de lasaña. Sobre estas se bota o resto da salsa, e por último se reparte o que queda de queixo parmesano.


9. Métese a lasaña no forno e cociñase aproximadamente durante 30 minutos. Deixase repousar 5 ou 10 minutos antes de servila.