Empanadillas de bonito

Achégase o verán e veñen ben unhas receitas de pratos que tanto se poden comer quentes como fríos, ideais para levar á praia ou ao monte.

[caption id="attachment_1721" align="aligncenter" width="500" caption="Empanadillas caseiras"][/caption]

Estas empanadillas quizais non teñan moito de especial, pero a min a masa é a que máis me gustou ata o momento. Aprendeunas a facer a miña nai da súa, e na casa sempre gustaron moito, sobre todo para levar de picnic.

Podemos enchelas do que nos apeteza, pero na nosa casa sempre se fixeron de bonito.

Ingredientes:

• Aceite de oliva para fritir

Para a masa:

• 300 gr. de fariña de trigo


• 75 gr. de leite


• 1 culleriña de café de sal


• 1 noz de manteiga


• 1 culleriña de postre de levadura en pó


• 1 ovo

Para o recheo:

• 3 cebolas medianas (máis ou menos 600 gr., xa limpos)


• 5 culleradas de aceite de oliva


• 1 lata de atún grande (duns 200 gr.)


• 1 ovo cocido


• 1 pizca de azafrán


• sal

Elaboración:

1.- Picamos finiña a cebola.

[caption id="attachment_1723" align="aligncenter" width="500" caption="A cebola debe cortarse fina"][/caption]

Pochámola no aceite a lume suave ata que transparente e doure, entre media hora e 3/4, remexendo de cando en vez para que non se pegue.

[caption id="attachment_1722" align="aligncenter" width="500" caption="Pochamos a cebola"][/caption]

2.- Engadímoslle, xa apagado o lume, o ovo cocido picadiño, un pouco de sal, azafrán e a lata de atún sen o aceite.

[caption id="attachment_1724" align="aligncenter" width="500" caption="Preparamos a saragallada"][/caption]

Reservamos a mestura. Podemos deixar a tixola algo inclinada para que escorra o aceite sobrante e logo retirarllo antes de encher as empanadillas.

[caption id="attachment_1725" align="aligncenter" width="500" caption="Deixamos lista a mestura"][/caption]

3.- Para a masa, facemos un volcán coa metade da fariña (uns 150gr.) e a levadura en pó mesturada nun recipente aplanado ou directamente na mesa de traballo. Botámoslle o ovo e imos envolvendo a masa cun garfo.

[caption id="attachment_1726" align="aligncenter" width="500" caption="Imos elaborando a masa"][/caption]

4.- Quentamos un chisco o leite e nel desfacemos a manteiga e o sal. Engadímosllo á masa, unha vez morno. Debe resultar, polo momento, unha masa líquida.

[caption id="attachment_1727" align="aligncenter" width="500" caption="Engadimos o leite, mantequilla e sal"][/caption]

5.- Imos engadindo pouco a pouco o resto da fariña (os outros 150 gr.).

[caption id="attachment_1728" align="aligncenter" width="500" caption="Engadimos fariña aos poucos"][/caption]

Cando a masa vaia espesando, podemos sacala do recipente e traballala directamente na mesa.

[caption id="attachment_1729" align="alignleft" width="150" caption="Amasamos..."][/caption]

[caption id="attachment_1730" align="aligncenter" width="150" caption="...un pouco máis..."][/caption]

[caption id="attachment_1731" align="alignright" width="150" caption="... ata que non se pegue."][/caption]

 

 

 

 

 

6.- Cando non se pegue ás mans, teremos a masa lista. Como non hai que deixala levedar, imos elaborar as empanadillas no momento. Para estirar a masa, empregaremos un rodiño e iremos collendo masa aos poucos

[caption id="attachment_1732" align="aligncenter" width="500" caption="Estiramos a masa"][/caption]

7.- Cun vaso ou cunca de boca ancha, marcamos círculos.

[caption id="attachment_1733" align="aligncenter" width="500" caption="Marcamos cunha cunca"][/caption]

[caption id="attachment_1734" align="aligncenter" width="500" caption="Retiramos os círculos"][/caption]

8.- Enfariñamos a mesa para ir colocando sobre ela as formas redondas.

[caption id="attachment_1735" align="aligncenter" width="500" caption="Colocamos os círculos"][/caption]

A masa sobrante aproveitámola, engadíndolle algo máis e volvendo a amasar.

[caption id="attachment_1736" align="aligncenter" width="150" caption="Volvemos amasar"][/caption]

9.- Enchemos co mexunxe as bases de empanadilla, tendo moito coidado de que non pinguen aceite e que non se manchen del os bordes da circunferencia, pois se non logo non pegará a masa.

[caption id="attachment_1737" align="aligncenter" width="500" caption="Enchemos as bases co mexunxe"][/caption]

10.- Con coidado, collemos a empanadilla cunha man e coa outra imos pechándoa apretando os bordes, cos dedos enfariñados.

[caption id="attachment_1738" align="alignleft" width="150" caption="Collemos con coidado..."][/caption]

[caption id="attachment_1739" align="aligncenter" width="150" caption="... pechando os bordes..."][/caption]

[caption id="attachment_1740" align="alignright" width="150" caption="... tendo tino de que o aceite non desborde"][/caption]

 

 

 

 

 

11.- Marcamos cun garfo os extremos (sen chegar a romper a masa) para sellar ben a empanadilla e que non se abran ao fritilas.

[caption id="attachment_1741" align="aligncenter" width="500" caption="Marcamos cun garfo"][/caption]

12.- Fritimos as empanadillas polos dous lados en abondoso aceite.

[caption id="attachment_1742" align="aligncenter" width="500" caption="Fritimos as empanadillas"][/caption]

13.- Retiramos a unha fonte con papel absorbente.

 

[caption id="attachment_1743" align="aligncenter" width="500" caption="Resultado final"][/caption]

Zamburiñas á cazola

Un entrante co que quedar estupendamente.

[caption id="attachment_1709" align="aligncenter" width="500" caption="Zamburiñas á cazola"][/caption]

Outra receita que fai a miña nai, desta vez adaptada dunhas latas de conservas que a ela lle gustan, as zamburiñas da conserveira Albo:

[caption id="attachment_1710" align="aligncenter" width="320" caption=""Zamburiñas a la cazuela" de Albo"][/caption]

Os ingredientes que constan nesta conserva son: zamburiñas, aceite de xirasol, tomate, cebola, sal e especias. Así que a miña nai fixo "súa" a receita, poñendo aceite de oliva, pemento e pementón doce e picante. Velaiquí o resultado:

Ingredientes:

• 600 gr. de zamburiñas ou volandeiras limpas


• 1 cebola


• 100 gr. de tomate fritido (mellor, caseiro)


• Pemento morrón


• 1 culleriña (de sobremesa) colmada de pementón doce


• 1 pizca de pementón picante (opcional)


• Aceite de oliva


• Sal

Elaboración

1.- Limpamos as zamburiñas, sacándolles a víscera negra e lavándoas.

[caption id="attachment_1711" align="aligncenter" width="500" caption="Limpamos as zamburiñas"][/caption]

2.- Nun pouco aceite, sofritimos a cebola ben picadiña.

[caption id="attachment_1712" align="aligncenter" width="500" caption="Sofritimos a cebola"][/caption]

3.- Cando estea pasadiña, engadimos o tomate fritido (se non o temos fritido, botámolo en cru picadiño e fritímolo neste momento). Dámoslle unhas voltas.

[caption id="attachment_1713" align="aligncenter" width="500" caption="Refogamos o tomate"][/caption]

4.- Engadimos as zamburiñas e refogamos dous minutos.

[caption id="attachment_1714" align="aligncenter" width="500" caption="Refogamos as zamburiñas"][/caption]

5.- Engadimos os pementóns e deixamos que se consuma o xugo que vai soltando a zamburiña (uns dez minutos).

[caption id="attachment_1719" align="aligncenter" width="500" caption="Engadimos os pementóns"][/caption]

6.- Cando estea, poñemos o pemento morrón e o sal. Refogamos uns minutos e retiramos.

[caption id="attachment_1718" align="aligncenter" width="500" caption="Engadimos os pementos"][/caption]

7.- Servimos quentes.

[caption id="attachment_1717" align="aligncenter" width="500" caption="Resultado final"][/caption]

Mexilóns en escabeche

Este non é o escabeche das latas de conserva.

[caption id="attachment_1699" align="aligncenter" width="500" caption="Mexilóns en escabeche"][/caption]

Este é un escabeche que facían a miña avoa e a miña tía, e que se tomaba en quente, e que agora segue facendo a miña nai. Ten un sabor que non deixa indiferente a ninguén; de feito, sempre que o dá a probar, acábanlle pedindo a receita. Cos mexilóns cocidos de antes, leva dez minutos facelo, así que animádevos a probalos!

Ingredientes:

• 1 kg. e 1/2 de mexilóns


• 1 cebola


• Pementón doce e picante (este, opcional)


• Xamón ou panceta (opcional)


• 5 culleres de vinagre


• Aceite de oliva

Elaboración

1.- Se non os temos cocidos previamente, cocemos ao vapor os mexilóns.

2.- Nun pouco aceite, sofritimos a cebola ben picadiña. Engadimos os mexilóns limpos e cocidos e refogamos dous ou tres minutos, sen que cheguen a secarse.

[caption id="attachment_1700" align="aligncenter" width="500" caption="Pasamos a cebola e logo os mexilóns"][/caption]

3.- Engadimos unha culleriña de postre colmada de pementón doce (se queremos, tamén un chisco de picante).

[caption id="attachment_1702" align="aligncenter" width="500" caption="Engadimos o pementón"][/caption]

Deixamos dous minutos máis.

[caption id="attachment_1701" align="aligncenter" width="500" caption="Deixamos que se fagan"][/caption]

4.- Cortamos unha loncha grosa de xamón e engadímoslla. Mesturamos e deixamos un minutiño.

[caption id="attachment_1703" align="aligncenter" width="500" caption="Botámoslle o xamón"][/caption]

5.- Finalmente, botamos o vinagre e deixamos que consuma uns dous ou tres minutos máis.

[caption id="attachment_1704" align="aligncenter" width="500" caption="Deixamos que o vinagre se consuma"][/caption]

6.- Servimos quente.

[caption id="attachment_1705" align="aligncenter" width="500" caption="Resultado final"][/caption]

Peixe en papillote

Unha receita bastante sinxela, bastante rápida e moi sa.

[caption id="attachment_1599" align="aligncenter" width="500" caption="Peixe en papillote"][/caption]

A min non me sae con tanta arte como a Pataca Brava (e menos facéndoa a cachos e atendendo un recén nacido...), pero como el non se anima co recetario, aí vai o meu intento de imitalo. A receita foina formando seguindo indicacións do "mestre Alfredo" sobre os papillotes.


Ingredientes (para dúas persoas)

• Peixe apropiado para papillote (sanmartiño, ollomol, sargo, alistado,...)


• Hortalizas ao gusto (cabaciña, berenxena, cenoria, pemento, porro, champiñón,...)


• Aceite de oliva e sal

Elaboración

1.- Nesta ocasión, empreguei dous sanmartiños pequenos. É un peixe cunha carne tersa, consistente, e moi rica.

[caption id="attachment_1602" align="aligncenter" width="500" caption="Sanmartiños"][/caption]

Eu prefiro facer filetes sen a espiña (nas pescaderías acostuman deixarche un filete con ela), polo que os fago eu na casa, con coidado.

[caption id="attachment_1603" align="aligncenter" width="150" caption="Fileteamos"][/caption]

Unha vez fileteado, botámoslle sal e reservamos.

[caption id="attachment_1604" align="aligncenter" width="500" caption="Botámoslle sal aos filetes"][/caption]

2.- Lavamos as hortalizas escollidas. Podemos usar as que nos apeteza, pero o porro, a cabaciña e os champiñóns quédanlle moi ben.

[caption id="attachment_1608" align="aligncenter" width="500" caption="Hortalizas varias"][/caption]

Cortamos todas máis ou menos do mesmo tamaño, fileteadas. A cabaciña, máis fina, cortámola para poñer de fondo (a min quedoume moi grosa).

[caption id="attachment_1609" align="aligncenter" width="500" caption="Fileteamos as hortalizas"][/caption]

3.- Nunha tixola, botamos un chorro de aceite e refogamos uns minutos a lume suave as hortalizas (menos a cabaciña).

[caption id="attachment_1612" align="aligncenter" width="500" caption="Refogamos as hortalizas"][/caption]

O mellor é facelas a lume lento, e que queden algo al dente, pois logo se rematan no forno (eu fíxenas demasiado). Salgamos o sofrito.

4.- Prequentamos o forno a 180º. Na bandexa do forno, facemos dúas "barcas" con papel de aluminio, elevando os catro lados. No fondo botamos un pouco de aceite de oliva, na zona central e plana.

[caption id="attachment_1617" align="aligncenter" width="500" caption="Preparamos o papel de aluminio"][/caption]

Sobre o aceite, colocamos os anacos de cabaciña, cortada finiña (non como a fixen eu).

[caption id="attachment_1618" align="aligncenter" width="500" caption="Poñemos a cabaciña"][/caption]

Sobre a cabaciña, poñemos as hortalizas.

[caption id="attachment_1621" align="aligncenter" width="500" caption="Colocamos as hortalizas"][/caption]

E sobre ese leito rematamos cos filetes de peixe.

[caption id="attachment_1622" align="aligncenter" width="500" caption="Por último, o peixe"][/caption]

5.- Cortamos outros dous anacos de papel de aluminio, algo máis curtos, e pechamos con eles as "barcas", con coidado de non furalo. Procuraremos que quede abombado, para que non se toquen a tapa e o peixe.

[caption id="attachment_1623" align="aligncenter" width="500" caption="Pechamos o papillote"][/caption]

6.- Metemos no forno de 15 a 20 minutos, dependendo do groso do peixe. Debemos ter coidado ao abrir os paquetes porque o vapor concentrado pode queimarnos.

[caption id="attachment_1624" align="aligncenter" width="500" caption="Resultado final"][/caption]