"Torrijas"

Logo do "pudrin", vai a outra receita da miña nai para aproveitar pan reseso.

[caption id="attachment_1571" align="aligncenter" width="500" caption=""Torrijas""][/caption]

Trátase dunha sobremesa sinxela e bastante rápida de facer.

Aínda que se aproveite o pan, o certo é que se gasta bastante leite e ovo. A miña nai nolas facía en calquera época do ano (non especialmente polo Entroido ou Semana Santa), para darlle saída a algunha barra de pan que sobrara ou aos ovos, na época en que estes abundan.

[caption id="attachment_1587" align="aligncenter" width="300" caption=""Torrijas" de leite"][/caption]

Hai quen a esta receita lle engade un licor, pero a miña nai nunca foi amiga das sobremesas con alcohol, e eu comparto ese gusto, así que só levan leite, ideais para as criaturas.

Ingredientes:

• 16 rebandas de pan de barra reseso


• 1/2 l. de leite


• 100 gr. de azucre


• 1 limón


• 1 póla de canela


• 5 ovos


• 1 culler rasa de canela en pó


• Aceite de xirasol

Elaboración

1.- Quentamos nunha pota o leite, 50 gr. de azucre, a póla de canela e a tona do limón.

[caption id="attachment_1572" align="aligncenter" width="500" caption="Quentamos o leite"][/caption]

Cando comece a ferver retiramos do lume e deixamos que refríe un pouco (se non, desfarase moito o pan ao mollalo). Botámolo nun recipente baixo que sexa máis cómodo para remollar o pan despois, xa sen a canela e o limón.

2.- Cortamos o pan en rebandas de máis dun dedo de ancho.

[caption id="attachment_1573" align="aligncenter" width="150" caption="Cortamos o pan"][/caption]

3.- Poñemos ao lume unha tixola con abundante aceite (o de xirasol é máis lixeiro). Imos enchoupando no leite o pan con coidado, polos dous lados. O pan pode estar máis ou menos duro, dependendo dos días que teña. Eu usei unha barra do día anterior, así que estaba máis ben branda, e non a mollei demasiado para que non rompera.

[caption id="attachment_1576" align="aligncenter" width="500" caption="Mollamos o pan no leite"][/caption]

Inmediatamente, deixámolo escorrendo o leite sobrante.

[caption id="attachment_1577" align="aligncenter" width="500" caption="Poñemos a escorrer"][/caption]

4.- Batemos os ovos, e collendo con coidado para que non rompan, mollamos as rebandas de pan polos dous lados.

[caption id="attachment_1578" align="aligncenter" width="500" caption="Pasamos polo ovo"][/caption]

Fritimos a lume medio polos dous lados, e imos poñendo nunha fonte con papel absorbente.

[caption id="attachment_1579" align="aligncenter" width="500" caption="Fritimos as rebandas"][/caption]

5.- Mesturamos os 50 gr. de azucre coa canela en pó, e espolvoreamos as torrijas.

[caption id="attachment_1580" align="aligncenter" width="150" caption="Azucre e canela"][/caption]

 

[caption id="attachment_1581" align="aligncenter" width="500" caption="Resultado final"][/caption]

Coliflor gratinada

Estamos en época de coliflor, e esta receita, como acompañamento dunha carne ou peixe, non defrauda nunca.

[caption id="attachment_1540" align="aligncenter" width="500" caption="Coliflor gratinada"][/caption]

A receita está sacada dunha revista dominical, da man de Martín Berasategui. Pero fíxena tantas veces, que xa me apropiei dela.

Ingredientes (para 4 persoas)

• 2 cabezas de coliflor pequenas (ou brécol, cardo, acelga, pataca...)


• 1 cebolleta


• 1/2 l. de leite


• 1 dl. de nata líquida


• 1 cullerada rasa de fariña


• Queixo relado (curado, Idiazábal,...)


• Manteiga, aceite e sal.

Elaboración

1.- Límpase e lávase a coliflor, e córtase en poliñas.

[caption id="attachment_1545" align="aligncenter" width="500" caption="Lavamos a coliflor"][/caption]

Cocémola en abundante auga con sal durante dez minutos, sen tapar a pota. Escorrémola e reservámola.

[caption id="attachment_1546" align="aligncenter" width="500" caption="Cocemos a coliflor"][/caption]

2.- Quentamos o leite xunto coa nata para facer a salsa bechamel.

[caption id="attachment_1547" align="aligncenter" width="150" caption="Leite e nata"][/caption]

3.- Nunha tixola, quentamos unha culler de aceite e unha noz de manteiga. Picamos a cebolleta e sofritímola uns minutos.

[caption id="attachment_1548" align="aligncenter" width="500" caption="Facemos a cebolleta"][/caption]

[caption id="attachment_1549" align="aligncenter" width="500" caption="Sofritímola uns minutos"][/caption]

Engadimos a fariña e comezamos a darlle voltas, ata que se mesture ben coa cebolleta.

[caption id="attachment_1550" align="aligncenter" width="500" caption="Engadimos a fariña"][/caption]

Pasados uns segundos, botamos o leite e a nata quentes, sen deixar de dar voltas.

[caption id="attachment_1551" align="aligncenter" width="500" caption="Facemos a bechamel"][/caption]

Engadimos un chisco de sal e deixamos ferver suavemente cinco minutos. O resultado é unha salsa máis ben líquida.

Prequentamos o forno a 200º.

4.- Cubrimos o fondo dunha fonte para o forno cun pouco de salsa bechamel.

[caption id="attachment_1552" align="aligncenter" width="500" caption="Botamos salsa bechamel"][/caption]

Sobre ela, poñemos a coliflor.

[caption id="attachment_1553" align="aligncenter" width="500" caption="Poñemos a coliflor"][/caption]

Cubrímola coa bechamel sobrante.

[caption id="attachment_1556" align="aligncenter" width="500" caption="Engadimos o resto da salsa"][/caption]

E espolvoreámolo co queixo relado.

[caption id="attachment_1557" align="aligncenter" width="500" caption="Espolvoreamos co queixo"][/caption]

Metemos no forno e gratinamos.

[caption id="attachment_1558" align="aligncenter" width="500" caption="Resultado final"][/caption]

Ensalada de cogollos

Se cadra esta entrada queda moi trapalleira. De feito, nunca pensei publicar esta receita, pero logo de buscar ensaladas por outros blogs para variar un pouco as que ceamos cada día, dinme conta de que esta era tan digna como outra calquera, e a alguén lle podía apetecer facela.

[caption id="attachment_1523" align="aligncenter" width="500" caption="Ensalada de cogollos"][/caption]

Comímola de man da tía Rosa de Pataca Brava en Pamplona. De feito, é exquisita con produtos daquelas terriñas, cogollos de Tudela e espárragos de Navarra. 

É unha ensalada forte, polo que debemos ter coidado de tomala á noite.

Ingredientes (para 4 persoas)

• 3 cogollos


• 12 espárragos grosos


• 12 anchoas


• 1 ou 2 dentes de allo


• Aceite, vinagre e sal

Elaboración

1.- Lavamos os cogollos e partímolos en catro anacos, que dispoñemos nunha fonte. (O cogollo é amargo, e ás veces eu substitúoos por corazóns de leituga, máis suaves, como nesta ocasión).

2.- Poñemos sobre cada parte de cogollo, unha anchoa e, á beira, un espárrago.

3.- Cun machacaallos, desfacemos un dente ou dous moi miudiños, e esparexémolo sobre os cogollos (eu bótolle dous dentes, pero queda moi forte, e pode haber comensais que non lle guste tanto allo).

4.- Aliñamos, no momento de servir, con abundante sal, aceite e vinagre de Módena.

Pasta con salmón e espinacas

Esta receita sacouna Pataca Brava dunha amiga. A combinación de espinacas e salmón é moi frecuente, tanto con pasta como en pizza.

[caption id="attachment_1503" align="aligncenter" width="500" caption="Pasta con salmón e espinacas"][/caption]

Conste que hoxe a receita non me saíu como debería, pois quedeime curta coa nata, así que resultou algo seca. Pero outra vez que a faga e me saia ben, colgarei fotos que lle fagan máis xustiza.

É un prato farturento, e rápido de facer. Eu uso salmón afumado, pero pódese cambiar por salmón fresco, engadíndolle sal (co afumado non é necesario).

Ingredientes (para 2 persoas)

• 200 gr. de pasta


• 300 gr. de salmón afumado


• 300 gr. de espinacas


• 2 ou 3 dentes de allo


• 1/2 l. de nata líquida


• 50 gr. de queixo azul


• 50 gr. de queixo relado


• Aceite de oliva e sal

Elaboración

1.- Temos que facer por separado en dúas tixolas o salmón e as espinacas. Para o peixe, non necesitamos botar nada máis (é moi graxo); simplemente, troceámolo un pouco e dámoslle voltas.

[caption id="attachment_1494" align="aligncenter" width="500" caption="Pasamos o salmón"][/caption]

Cando estea ben feito, apagamos o lume e reservamos.

[caption id="attachment_1495" align="aligncenter" width="500" caption="Reservamos o salmón"][/caption]

2.- Á parte, botamos un pouco de aceite nunha tixola e salteamos o allo fileteado.

[caption id="attachment_1496" align="aligncenter" width="500" caption="Salteamos o allo"][/caption]

Antes de que doure de máis, engadimos as espinacas en anacos.

[caption id="attachment_1497" align="aligncenter" width="500" caption="Botamos as espinacas"][/caption]

Salteamos uns minutos, dando voltas.

3.- Imos cocendo a pasta en auga abundante con sal e un chorro de aceite, o tempo que recomende o fabricante (neste caso, fixen uns fusilli xigantes, que coceron en 12 minutos).

[caption id="attachment_1498" align="aligncenter" width="150" caption="Cocemos a pasta"][/caption]

Escorrémola e reservámola na mesma pota, ao quente.

4.- Mesturamos o salmón e as espinacas e salteámolos xuntos dous minutos.

[caption id="attachment_1499" align="aligncenter" width="500" caption="Xuntamos salmón e espinacas"][/caption]

5.- Botamos a nata líquida e deixamos que coza, a lume lento, uns cinco minutos.

[caption id="attachment_1506" align="aligncenter" width="500" caption="Engadimos a nata"][/caption]

(Na foto vese menos nata da que debería levar, polo que quedou algo seco e demasiado salgado polo salmón).

[caption id="attachment_1507" align="aligncenter" width="500" caption="Cocemos ben"][/caption]

Imos prendendo o forno na opción de gratinado (moita calor, só arriba).

6.- Cortamos o queixo en anacos e botámolo sobre a pasta, que se aínda está quente fundirase sen problema remexendo un pouco.

[caption id="attachment_1508" align="aligncenter" width="500" caption="Fundimos o queixo coa calor da pasta"][/caption]

(Eu non tiña queixo azul, que se desfai mellor. Boteille un asturiano semellante ao de cabrales, pero máis suave).

Dispoñemos a pasta nunha fonte para o forno.

[caption id="attachment_1509" align="aligncenter" width="500" caption="Preparamos nunha fonte para o forno"][/caption]

7.- Enriba, distribuimos o mexunxe de salmón e espinacas.

[caption id="attachment_1513" align="aligncenter" width="500" caption="Botamos a mestura"][/caption]

Cubrímolo co queixo relado para gratinar.

[caption id="attachment_1512" align="aligncenter" width="500" caption="Cubrimos co queixo"][/caption]

8.- Metemos no forno ata que toste un pouco o queixo

[caption id="attachment_1514" align="aligncenter" width="500" caption="Resultado final"][/caption]

 

Pudin

A miña nai, cando acumula pan reseso, fai torrijas (se o pan é de barra) ou pudin (se o pan é de bola).

[caption id="attachment_1465" align="aligncenter" width="500" caption="Pudin"][/caption]

Cando chegabamos con el ao Burgo, de estudantes en Compostela, era un postre moi ben acollido, que recibiu o nome de "pudrin". A miña nai nunca o fai dúas veces igual, botando os ingredientes a ollo, e unhas veces con froitos secos, outras sen eles, outras con pasas... Pero a base vén sendo esta.

Ingredientes

• 350 gr. pan reseso


• 1/2 l. leite


• 30 gr. manteiga


• 150 gr. azucre


• 5 ovos


• 1  culleriña postre de levadura en pó


• Reladura de limón


• Froitos secos, piñóns, pasas... (opcional)

Elaboración

1.- Collemos o pan reseso e desfacémolo en anacos. Reservamos.

[caption id="attachment_1470" align="aligncenter" width="500" caption="Pan reseso"][/caption]

2.-Nunha pota, quentamos (sen que ferva) o leite coa mantequilla, ata que esta se desfaga.

[caption id="attachment_1471" align="aligncenter" width="500" caption="Quentamos o leite coa mantequilla"][/caption]

Apagado o lume, esgadimos o azucre e mesturamos ben.

3.- Neste líquido imos incorporando o pan desfeito.

[caption id="attachment_1472" align="aligncenter" width="500" caption="Incorporamos o pan"][/caption]

Mesturamos ben. Imos prequentando o forno a 220º.

[caption id="attachment_1473" align="aligncenter" width="500" caption="Mesturamos"][/caption]

4.- Batemos os ovos, e incorporámosllos. Relamos un pouco de tona dun limón e engadímola.

[caption id="attachment_1476" align="aligncenter" width="500" caption="Reladura de limón"][/caption]

5.- Mesturamos ben e engadimos, se queremos, as pasas (como nesta ocasión), os froitos secos, ...

[caption id="attachment_1477" align="aligncenter" width="500" caption="Mesturamos todo"][/caption]

6.- Nun molde rectangular para o forno, untamos un pouco de manteiga polo fondo e cantos.

[caption id="attachment_1478" align="aligncenter" width="500" caption="Preparamos o molde"][/caption]

Botamos a mestura nel, repartíndoa ben.

[caption id="attachment_1479" align="aligncenter" width="500" caption="Botamos a mestura"][/caption]

7.- Metemos no forno unha media hora.

[caption id="attachment_1481" align="aligncenter" width="500" caption="Resultado final"][/caption]

[caption id="attachment_1480" align="aligncenter" width="500" caption=""Pudrin""][/caption]

 

Empanada vexetal de hoxaldre

Esta receita pasoulla unha amiga a Pataca Brava, e vén ben cando está farto/a un de carne e non toca peixe.

[caption id="attachment_1440" align="aligncenter" width="500" caption="Empanada vexetal de hoxaldre"][/caption]

Non pensaba colgala, pero como non atopei na rede ningunha semellante, penso que a alguén lle pode apetecer facela. Conste que a fixen a correr e coa nena tocando a zoca, así que non me quedou estupenda, como debería ser.

Pódese tomar quente, pero recomendo que estea morna ou incluso fría, pois gaña moito. Incluso ao día seguinte, está boa.

Ingredientes (para 4 persoas)

 

• 1 kg. de masa de hoxaldre (eu usei dúas masas do Lidl)
  


• 350 gr. de champiñóns


• 1 calabacín mediano


• 1 berenxena pequena


• 1 cebola


• 2 dentes de allo


• 2 ovos


• Nata líquida


• Sal e aceite

Elaboración

1.- Cortamos en láminas os allos e os champiñóns. Póchanse nunha tixola cun chisco de aceite a lume lento.

[caption id="attachment_1441" align="aligncenter" width="500" caption="Facemos os champiñóns"][/caption]

2.- Laminamos tamén a cebola e mailo calabacín, e pochámolos noutra tixola.

[caption id="attachment_1442" align="aligncenter" width="500" caption="Á parte, pochamos a cebola e o calabacín"][/caption]

Cando estea medio feito, engádeselle a berenxena, pelada e laminada.

[caption id="attachment_1443" align="aligncenter" width="500" caption="Engadimos a berenxena"][/caption]

3.- Cando estean, mestúrase todo nunha soa tixola e déixase a lume lento outros 2 ou 3 minutos máis, e sálgase.

[caption id="attachment_1444" align="aligncenter" width="500" caption="Mesturamos todo e salgamos"][/caption]

4.- Retírase do lume, escórreselle o aceite e déixase enfriar un pouco (eu non lle din tempo...).

5.- Dividimos en dous anacos a masa (ou usamos unha delas), estirámola e nunha empanadeira do forno poñemos sobre papel especial a primeira capa. Prequentamos o forno a 180º.
6.- Pónselle a saragallada de verduras, deixando limpo un centímetro ao redor.


[caption id="attachment_1445" align="aligncenter" width="500" caption="Engadimos a saragallada"][/caption]

Bátese un ovo e bótaselle por enriba, así coma un bo chorro de nata líquida.

[caption id="attachment_1446" align="aligncenter" width="500" caption="Botamos ovo e nata"][/caption]

7.- Estírase a outra capa de masa, cúbrese a empanada e péchase polas beiras. Cunha pouca masa que me sobraba nos extremos, fixen uns pauciños de adorno.

[caption id="attachment_1449" align="aligncenter" width="500" caption="Poñemos a outra masa"][/caption]

Píntase co outro ovo, pínchase cun garfo para que non inche (eu esquecinme) e metémola no forno.

[caption id="attachment_1450" align="aligncenter" width="500" caption="Pintamos co ovo"][/caption]

Farémola no forno unha media hora, ata que doure ben.

[caption id="attachment_1453" align="aligncenter" width="500" caption="Resultado final"][/caption]

 

Normal
0

false
false
false

GL
X-NONE
X-NONE

MicrosoftInternetExplorer4

1 kg. de masa de hoxaldre (eu usei dúas masas do Lidl)

350 gr. de champiñóns

1 calabacín mediano

1 berenxena pequena

1 cebola

2 dentes de allo

2 ovos

Nata líquida

Sal e aceite

 

 

/* Style Definitions */
table.MsoNormalTable
{mso-style-name:"Tabla normal";
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:"";
mso-padding-alt:0cm 5.4pt 0cm 5.4pt;
mso-para-margin-top:0cm;
mso-para-margin-right:0cm;
mso-para-margin-bottom:10.0pt;
mso-para-margin-left:0cm;
line-height:115%;
mso-pagination:widow-orphan;
font-size:11.0pt;
font-family:"Calibri","sans-serif";
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-ansi-language:ES-TRAD;
mso-fareast-language:EN-US;}