Empanadillas de bonito

Achégase o verán e veñen ben unhas receitas de pratos que tanto se poden comer quentes como fríos, ideais para levar á praia ou ao monte.

[caption id="attachment_1721" align="aligncenter" width="500" caption="Empanadillas caseiras"][/caption]

Estas empanadillas quizais non teñan moito de especial, pero a min a masa é a que máis me gustou ata o momento. Aprendeunas a facer a miña nai da súa, e na casa sempre gustaron moito, sobre todo para levar de picnic.

Podemos enchelas do que nos apeteza, pero na nosa casa sempre se fixeron de bonito.

Ingredientes:

• Aceite de oliva para fritir

Para a masa:

• 300 gr. de fariña de trigo


• 75 gr. de leite


• 1 culleriña de café de sal


• 1 noz de manteiga


• 1 culleriña de postre de levadura en pó


• 1 ovo

Para o recheo:

• 3 cebolas medianas (máis ou menos 600 gr., xa limpos)


• 5 culleradas de aceite de oliva


• 1 lata de atún grande (duns 200 gr.)


• 1 ovo cocido


• 1 pizca de azafrán


• sal

Elaboración:

1.- Picamos finiña a cebola.

[caption id="attachment_1723" align="aligncenter" width="500" caption="A cebola debe cortarse fina"][/caption]

Pochámola no aceite a lume suave ata que transparente e doure, entre media hora e 3/4, remexendo de cando en vez para que non se pegue.

[caption id="attachment_1722" align="aligncenter" width="500" caption="Pochamos a cebola"][/caption]

2.- Engadímoslle, xa apagado o lume, o ovo cocido picadiño, un pouco de sal, azafrán e a lata de atún sen o aceite.

[caption id="attachment_1724" align="aligncenter" width="500" caption="Preparamos a saragallada"][/caption]

Reservamos a mestura. Podemos deixar a tixola algo inclinada para que escorra o aceite sobrante e logo retirarllo antes de encher as empanadillas.

[caption id="attachment_1725" align="aligncenter" width="500" caption="Deixamos lista a mestura"][/caption]

3.- Para a masa, facemos un volcán coa metade da fariña (uns 150gr.) e a levadura en pó mesturada nun recipente aplanado ou directamente na mesa de traballo. Botámoslle o ovo e imos envolvendo a masa cun garfo.

[caption id="attachment_1726" align="aligncenter" width="500" caption="Imos elaborando a masa"][/caption]

4.- Quentamos un chisco o leite e nel desfacemos a manteiga e o sal. Engadímosllo á masa, unha vez morno. Debe resultar, polo momento, unha masa líquida.

[caption id="attachment_1727" align="aligncenter" width="500" caption="Engadimos o leite, mantequilla e sal"][/caption]

5.- Imos engadindo pouco a pouco o resto da fariña (os outros 150 gr.).

[caption id="attachment_1728" align="aligncenter" width="500" caption="Engadimos fariña aos poucos"][/caption]

Cando a masa vaia espesando, podemos sacala do recipente e traballala directamente na mesa.

[caption id="attachment_1729" align="alignleft" width="150" caption="Amasamos..."][/caption]

[caption id="attachment_1730" align="aligncenter" width="150" caption="...un pouco máis..."][/caption]

[caption id="attachment_1731" align="alignright" width="150" caption="... ata que non se pegue."][/caption]

 

 

 

 

 

6.- Cando non se pegue ás mans, teremos a masa lista. Como non hai que deixala levedar, imos elaborar as empanadillas no momento. Para estirar a masa, empregaremos un rodiño e iremos collendo masa aos poucos

[caption id="attachment_1732" align="aligncenter" width="500" caption="Estiramos a masa"][/caption]

7.- Cun vaso ou cunca de boca ancha, marcamos círculos.

[caption id="attachment_1733" align="aligncenter" width="500" caption="Marcamos cunha cunca"][/caption]

[caption id="attachment_1734" align="aligncenter" width="500" caption="Retiramos os círculos"][/caption]

8.- Enfariñamos a mesa para ir colocando sobre ela as formas redondas.

[caption id="attachment_1735" align="aligncenter" width="500" caption="Colocamos os círculos"][/caption]

A masa sobrante aproveitámola, engadíndolle algo máis e volvendo a amasar.

[caption id="attachment_1736" align="aligncenter" width="150" caption="Volvemos amasar"][/caption]

9.- Enchemos co mexunxe as bases de empanadilla, tendo moito coidado de que non pinguen aceite e que non se manchen del os bordes da circunferencia, pois se non logo non pegará a masa.

[caption id="attachment_1737" align="aligncenter" width="500" caption="Enchemos as bases co mexunxe"][/caption]

10.- Con coidado, collemos a empanadilla cunha man e coa outra imos pechándoa apretando os bordes, cos dedos enfariñados.

[caption id="attachment_1738" align="alignleft" width="150" caption="Collemos con coidado..."][/caption]

[caption id="attachment_1739" align="aligncenter" width="150" caption="... pechando os bordes..."][/caption]

[caption id="attachment_1740" align="alignright" width="150" caption="... tendo tino de que o aceite non desborde"][/caption]

 

 

 

 

 

11.- Marcamos cun garfo os extremos (sen chegar a romper a masa) para sellar ben a empanadilla e que non se abran ao fritilas.

[caption id="attachment_1741" align="aligncenter" width="500" caption="Marcamos cun garfo"][/caption]

12.- Fritimos as empanadillas polos dous lados en abondoso aceite.

[caption id="attachment_1742" align="aligncenter" width="500" caption="Fritimos as empanadillas"][/caption]

13.- Retiramos a unha fonte con papel absorbente.

 

[caption id="attachment_1743" align="aligncenter" width="500" caption="Resultado final"][/caption]

Empanada vexetal de hoxaldre

Esta receita pasoulla unha amiga a Pataca Brava, e vén ben cando está farto/a un de carne e non toca peixe.

[caption id="attachment_1440" align="aligncenter" width="500" caption="Empanada vexetal de hoxaldre"][/caption]

Non pensaba colgala, pero como non atopei na rede ningunha semellante, penso que a alguén lle pode apetecer facela. Conste que a fixen a correr e coa nena tocando a zoca, así que non me quedou estupenda, como debería ser.

Pódese tomar quente, pero recomendo que estea morna ou incluso fría, pois gaña moito. Incluso ao día seguinte, está boa.

Ingredientes (para 4 persoas)

 

• 1 kg. de masa de hoxaldre (eu usei dúas masas do Lidl)
  


• 350 gr. de champiñóns


• 1 calabacín mediano


• 1 berenxena pequena


• 1 cebola


• 2 dentes de allo


• 2 ovos


• Nata líquida


• Sal e aceite

Elaboración

1.- Cortamos en láminas os allos e os champiñóns. Póchanse nunha tixola cun chisco de aceite a lume lento.

[caption id="attachment_1441" align="aligncenter" width="500" caption="Facemos os champiñóns"][/caption]

2.- Laminamos tamén a cebola e mailo calabacín, e pochámolos noutra tixola.

[caption id="attachment_1442" align="aligncenter" width="500" caption="Á parte, pochamos a cebola e o calabacín"][/caption]

Cando estea medio feito, engádeselle a berenxena, pelada e laminada.

[caption id="attachment_1443" align="aligncenter" width="500" caption="Engadimos a berenxena"][/caption]

3.- Cando estean, mestúrase todo nunha soa tixola e déixase a lume lento outros 2 ou 3 minutos máis, e sálgase.

[caption id="attachment_1444" align="aligncenter" width="500" caption="Mesturamos todo e salgamos"][/caption]

4.- Retírase do lume, escórreselle o aceite e déixase enfriar un pouco (eu non lle din tempo...).

5.- Dividimos en dous anacos a masa (ou usamos unha delas), estirámola e nunha empanadeira do forno poñemos sobre papel especial a primeira capa. Prequentamos o forno a 180º.
6.- Pónselle a saragallada de verduras, deixando limpo un centímetro ao redor.


[caption id="attachment_1445" align="aligncenter" width="500" caption="Engadimos a saragallada"][/caption]

Bátese un ovo e bótaselle por enriba, así coma un bo chorro de nata líquida.

[caption id="attachment_1446" align="aligncenter" width="500" caption="Botamos ovo e nata"][/caption]

7.- Estírase a outra capa de masa, cúbrese a empanada e péchase polas beiras. Cunha pouca masa que me sobraba nos extremos, fixen uns pauciños de adorno.

[caption id="attachment_1449" align="aligncenter" width="500" caption="Poñemos a outra masa"][/caption]

Píntase co outro ovo, pínchase cun garfo para que non inche (eu esquecinme) e metémola no forno.

[caption id="attachment_1450" align="aligncenter" width="500" caption="Pintamos co ovo"][/caption]

Farémola no forno unha media hora, ata que doure ben.

[caption id="attachment_1453" align="aligncenter" width="500" caption="Resultado final"][/caption]

 

Normal
0

false
false
false

GL
X-NONE
X-NONE

MicrosoftInternetExplorer4

1 kg. de masa de hoxaldre (eu usei dúas masas do Lidl)

350 gr. de champiñóns

1 calabacín mediano

1 berenxena pequena

1 cebola

2 dentes de allo

2 ovos

Nata líquida

Sal e aceite

 

 

/* Style Definitions */
table.MsoNormalTable
{mso-style-name:"Tabla normal";
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-qformat:yes;
mso-style-parent:"";
mso-padding-alt:0cm 5.4pt 0cm 5.4pt;
mso-para-margin-top:0cm;
mso-para-margin-right:0cm;
mso-para-margin-bottom:10.0pt;
mso-para-margin-left:0cm;
line-height:115%;
mso-pagination:widow-orphan;
font-size:11.0pt;
font-family:"Calibri","sans-serif";
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-ansi-language:ES-TRAD;
mso-fareast-language:EN-US;}

Empanada de millo de xouba

Considero esta receita a miña especialidade, porque na miña casa son a única que a fai. Acostumo facer a zaragallada de zamburiña conxelada (empregando uns 800 gr. dela), por comodidade; de berberechos, se son frescos, queda exquisita; pero desta volta tiña ganas de probar a de xouba, e quedou rica. A fariña de millo tamén é importante, condicionando moito o resultado en función da súa frescura e calidade.



[caption id="attachment_555" align="aligncenter" width="300" caption="Empanada de millo de xouba"] [/caption]

A receita aprendina da señora María do Cruceiro de Roo, alá pola Serra de Outes, hai anos. Ela facíaa de filetes de xarda, e a verdade é que eu nunca a reproducín con ese recheo, porque era vastísimo e fartaba demasiado. Ademais, as súas medidas eran "puñados" e "manadas", que eu aumentaba (porque a miña man era a metade das dela...) e, finalmente, calculei con medidas máis homoxéneas.

Moita xente mestura a fariña de millo con trigo, quedando máis ligada a masa e téndoa que amasar, pero a min gústame así, só de millo.

Ingredientes para a masa:

• 15 gr. de levadura fresca


• 70 gr. de fariña de cebada ou centeo


• 70 gr. de fariña de trigo do país


• 500 gr. de fariña de millo do país


• 4 vasos de auga salgada


• 1 ovo

Para a saragallada:

• 1 ¾ kg. de cebolas


• Manteiga


• 1 tomate pequeno


• Aceite de oliva


• 1 kg. de xouba do xeito


• ¼ de pemento verde


• Pementón doce e colorante.

Elaboración

1.- Nun bol desfacemos nun vaso de auga fría a levadura, a fariña de cebada ou centeo e a de trigo. Ten que resultar unha masa espesiña pero líquida. Reservamos este formento unha hora (que non bote por fóra).

[caption id="attachment_84" align="aligncenter" width="300" caption="Formento da empanada de millo"][/caption]

2.- Nun recipiente grande botamos a fariña de millo. Fervemos a auga salgada e engadímoslla case toda (por se non fai falta tanta), así quente. Amasamos de xeito que quede como rota, non moi mollada (logo co formento móllase máis).

[caption id="attachment_92" align="aligncenter" width="300" caption="Masa de millo rota"][/caption]

Logo de que refríe un pouco, engadimos o formento e o ovo. Coas mans, amasamos e amontoámola para que levede, tapada 1½ h. (depende da calor que faga, pode levedar antes).

[caption id="attachment_93" align="alignleft" width="300" caption="Masa de millo sen levedar"][/caption]

[caption id="attachment_94" align="alignright" width="300" caption="Masa de millo levedada"][/caption]

(Aínda que son atea, fágolle a cruz á masa, como me ensinaron, porque así tamén me axuda a ver se está levedada…).

3.- Limpamos as xoubas de tripa e cabeza. Se son algo grandes, mellor abrímolas e quitámoslle a espiña. Botámoslle sal e reservamos.
A cebola cortámola finiña, e pochámola ½ horiña en pouco aceite, que logo xa non lle escorreremos.

[caption id="attachment_97" align="aligncenter" width="300" caption="Rustrido de cebola"][/caption]

A media cocción, botámoslle o pemento picadiño.

4.- Cando a cebola estea ben dourada, engadímoslle o tomate picadiño, e deixamos dez minutiños máis. Ao apagar, unha culleriña de pementón, sal e colorante. (Se en vez de xouba empregamos outro recheo para a zaragallada -zamburiña, mexilón, berberecho,...-, botámosllo agora lavadiño e escorrido, para que se vaian mesturando os sabores, e reservamos todo xunto ata que o botemos na empanada).

[caption id="attachment_98" align="aligncenter" width="300" caption="Zaragallada de cebola"][/caption]

5.- Prendemos o forno a 180º. Untamos a panadeira con manteiga abundante polo fondo e cantos, e espolvoreamos con fariña de millo. Imos collendo masa pouco a pouco cun garfo, colocándoa formando unha capa fina.

[caption id="attachment_100" align="alignleft" width="300" caption="Disposición da masa de millo"][/caption]

[caption id="attachment_101" align="alignright" width="300" caption="Esténdese cun garfo"][/caption]

Logo irá a metade da saragallada

[caption id="attachment_104" align="aligncenter" width="300" caption="Unha metade da saragallada..."][/caption]

...as xoubas cubrindo ben a superficie...

[caption id="attachment_120" align="aligncenter" width="225" caption="Disposición das xoubas"][/caption]

[caption id="attachment_121" align="aligncenter" width="300" caption="As xoubas ben colocadiñas"][/caption]

e a outra metade da mestura. Finalizamos con máis coidado aínda coa masa.

[caption id="attachment_124" align="alignleft" width="300" caption="A outra metade da saragallada."][/caption]

[caption id="attachment_125" align="alignright" width="300" caption="Finalizamos coa masa de millo"][/caption]

Podémola pintar cun pouco de aceite. Debuxamos co canto do garfo uns cadradiños na empanada e forneamos dunha hora a 1½.

[caption id="attachment_116" align="alignleft" width="300" caption="Cadradiños da empanada"][/caption]

[caption id="attachment_117" align="alignright" width="300" caption="Resultado final!"][/caption]

Empanada de millo "Coello con Chícharos"

É unha receita persoal, ainda que a masa de millo hai que agradecerlla a Maraghota.....

Os ingredientes para a masa irán a parte na sección de masas.

Ingredientes (para bandexa de forno "standard"; se sodes mais de catro facédelle unha ensalada...):

• 1/2 coello


• Chícharos ao gusto (mellor frescos)


• 4 tomates (rama)


• 1+1/2 Cebola


• pemento, 1/2 bermello e outro 1/2 verde)


• 2 dentes de allo

Preparación da saraghallada:

Picamos por separado e  ben finiños a cebola, os pementos e os tomates, debullaremos os chícharos se son naturais (ou desconxelar, non me meter chícharos de bote, eh??)



1º Pochamos a cebola cun chisco de sal durante 5', pasado este tempo engadimos os pementos picados e outro chisco de sal.

2º Dez minutos mais tarde, engadiremos dous dentes de allo e o coello troceado (previamente salgado) e deixaremos a lume medio 20' removendo todo de vez en cando.



3º 20' despois engadimos o tomate e os chícharos (se son frescos, se fosen conxelados poden engadirse case ao final de todo) e outro chisco de sal (pódeselle botar ao tomate picado antes de engadilo), e unha pisca de sucre para matarlle un pouco a acidez.

4º (Optativo)... Abrir unha cervexiña..... e chimparse media!!!





5º Aos dez minutos sacamos só o coello para desosalo (poderíamos facela de "bultos" mais o coello ten demasiados osos pequenos), unha vez feito isto voltamos a engadilo á saraghallada con meio vaso de viño e un pouquiño da auga salgada que sobra ao facer a masa e deixar a lume lento ate que a masa esté lista.

6º Se optaches pola opción 4 podes rematar a garimba que abriches, e rillar nos restos do coello que aínda queda chicha ahí metida.

7º Cando a masa esté lista, facer unha base na bandexa do forno, botar a saraghallada e cubrir coa restante (igual sobra algo.....pois a facer arepas)

8º forno precalentado a 180º 1 hora e meia.

9º A comeeeeeeeeeeeeeeeeeeeeeeeeeeeeeeeeer!!!!

Agardo que a disfrutedes-........ eu si!!!!

Está ben boa!!!!, por certo!!