Pasta con mexilóns

Tiña gardada esta receita desde hai moito tempo, recortada dunha revista dominical, e nunca me animara a facela. Hoxe tocou, que tiña gañas de algo distinto e fácil de facer.

[caption id="attachment_1180" align="aligncenter" width="500" caption="Pasta con mexilóns"][/caption]

A receita inicial é de Martín Berasategui, que eu variei á miña maneira. Como soe pasar, os ingredientes do cociñeiro non se corresponden exactamente co que amosan as fotos, polo que a unha nunca lle sairá como a el... Faráo adrede, supoño. ;-)

De todos xeitos, quedou rico, así que aí vai.

Ingredientes (para 4 persoas)

• 400 gr. de pasta branca


• 2 kg. de mexilóns


• 1 cebola grande


• 1 dente de allo


• Un chorro de viño branco


• 1 culleriña de pimentón doce


• 100 ml. de nata líquida


• 2 culleróns de salsa de tomate


• Pirixel


• Unha noz de manteiga


• Sal e aceite de oliva

Elaboración

1.- Se non temos en reserva, primeiro abriremos os mexilóns ao vapor e faremos a salsa de tomate.

[caption id="attachment_1188" align="aligncenter" width="500" caption="Abrimos os mexilóns ao vapor"][/caption]

(Para abrir os mexilóns, poñemos unha pota grande ao lume cunha póla de loureiro e os mexilóns limpos enriba, sen auga. Os moluscos irán soltando a súa auga, así que non se pegará. Tapamos a pota, e vixiamos que non bote por fóra, sacando o testo de vez en cando e remexendo para que todos os mexilóns abran. Cando estean, nuns minutos, retirámolos do lume e deixamos refriar.)

[caption id="attachment_1189" align="aligncenter" width="500" caption="Salsa de tomate caseira"][/caption]

Podemos reservar a auga que soltaron os mexilóns, coada, para cocer logo a pasta.

[caption id="attachment_1191" align="aligncenter" width="150" caption="Auga dos mexilóns"][/caption]

2.- Facemos un sofritido coa cebola picadiña e o allo. Cando estea transparente (a min pasóuseme), engadimos o pimentón. Dámoslle unhas voltas rápidas e botamos o viño e medio vaso de auga.

[caption id="attachment_1190" align="aligncenter" width="500" caption="Facemos un sofrito"][/caption]

Deixamos reducir uns cinco minutos a lume suave.

3.- Cócese a pasta en abundante auga (eu empreguei tamén a de abrir os mexilóns) con sal e un chorro de aceite de oliva, ata que estea “al dente”. Escorrémola e reservámola.

4.- Seguindo coa salsa, botamos a nata líquida e a salsa de tomate (podemos engadir moita máis, ao gusto) e deixamos que coza uns minutos, comprobando o sal.

[caption id="attachment_1192" align="aligncenter" width="500" caption="Engadimos a nata e o tomate"][/caption]

5.- Engadimos os mexilóns e a pasta recén cocida, dándolle unhas voltas e apagando o lume. Botámoslle o pirixel picadiño e a manteiga en anaquiños, mesturando ben.

[caption id="attachment_1195" align="aligncenter" width="500" caption="Mesturamos todo"][/caption]

Polo con froitas

Co permiso de Pasascontodo, publico este post que debería chamarse "Polo de Nieves", que foi quen lle ensinou a receita.


[caption id="attachment_1156" align="aligncenter" width="500" caption="Polo con froitas"][/caption]

Este prato mestura sabores doces e salgados, e é unha delicia. Anímovos a probalo!

Ingredientes (para 6 persoas):

• 1 polo da casa


• 1 cebola grande


• 4 dentes de allo.


• 4 patacas (opcional)


• Pirixel.


• Salsa de soia


• Froitas e froitos secos ao gusto (mazá, piña, castañas, orellóns, ameixas, pasas, figos, piñóns…)


• 1 vaso de viño branco


• Aceite e sal

Elaboración:

[caption id="attachment_1157" align="aligncenter" width="300" caption="Igredientes para o adobo"][/caption]

1.- Ponse o polo, en trozos grandes, en adobo unha hora con aceite, allo, pirixel e salsa de soia.

[caption id="attachment_1158" align="aligncenter" width="500" caption="Poñemos o polo en adobo"][/caption]

2.- Cortamos a cebola en aros e pochámola nunha tixola, e cando estea, dispoñémola de base nunha fonte do forno grande.

[caption id="attachment_1159" align="aligncenter" width="500" caption="Pasamos a cebola..."][/caption]

No mesmo aceite, douramos o polo e ímolo poñendo sobre a cebola.

[caption id="attachment_1160" align="aligncenter" width="500" caption="... e no mesmo aceite o polo"][/caption]

3.- Se facemos patacas fritidas, cortámolas en tacos e pasámolas antes pola tixola un pouco. Se non, podemos substituílas por castañas (semicocidas e peladas) e/ou mazá (pelada e en tacos).

4.- Prequentamos o forno a 150º.

5.- Ao redor do polo poñemos todas as froitas e froitos secos.

[caption id="attachment_1163" align="aligncenter" width="500" caption="Poñemos as froitas"][/caption]

Báñase todo con viño e salsa de soia, e botamos un pouco de sal (non moito, porque a salsa de soia tamén salga) e métese no forno unha hora, virando o polo de cando en vez e vixiando que non reseque (podemos mollalo con auga se o precisara).

[caption id="attachment_1164" align="aligncenter" width="500" caption="Resultado final"][/caption]

Rolo de castañeta

Esta é unha receita moi apropiada para o verán, ideal como primeiro prato.

 

 

[caption id="attachment_1148" align="aligncenter" width="500" caption="Rolo de castañeta"][/caption]

 

 

Facíaa a miña nai ata que descubriu que os "fíos de graxa" das castañetas non eran tal, senón tenias (ver entrada "Parásitos nos peixes"). Eu, como son menos aprensiva e me gusta, pois fágoa igual. Ela sacara a receita dunha casa particular madrileña, á que lle deu o seu toque persoal, e a verdade é que non vimos nada semellante por aí.

 

 

[caption id="attachment_1116" align="aligncenter" width="500" caption="Rolo de castañeta"][/caption]

 

 

Farta moito, así que esta cantidade é máis que suficiente.

Ingredientes (para 8 persoas)

• 1 kg. de castañeta


• 800 gr. de gambas


• 1 pemento vermello


• 1 cebola


• 1 porro


• 2 ou 3 cenorias


• 1 ovo


• Olivas (opcional)


• Sal

Elaboración

1.- Desconxelamos as gambas e sacámoslles tona e cabezas, que botaremos nunha pota para facer un caldo. Ademais, limpamos a castañeta e botamos tamén na pota as espiñas desta, a cebola, o pemento, as cenorias, o porro...

[caption id="attachment_1125" align="aligncenter" width="500" caption="Ingredientes para o caldo"][/caption]

Deixamos que ferva todo de ½ h. a ¾.

[caption id="attachment_1119" align="aligncenter" width="500" caption="Fervemos o caldo"][/caption]

2.- A castañeta e mailas gambas pícanse en cru xunto co pemento e as cenorias xa cocidos do caldo (sen pel). Se nos gustan, podemos engadir unhas olivas.

[caption id="attachment_1120" align="aligncenter" width="500" caption="Picamos todo"][/caption]

Á mestura, engadímoslle un ovo batido e sal.

[caption id="attachment_1121" align="aligncenter" width="500" caption="Mesturamos co ovo e sal"][/caption]

3.- Collemos un ou dous panos de fío e colocamos nel esa mestura:

[caption id="attachment_1126" align="aligncenter" width="500" caption="Dámoslle forma á mestura"][/caption]

formando un rolo (ou dous máis pequenos), apretando ben a tea. Se non queda ben axustadiña, corremos o risco de que o rolo non quede compacto e se desfaga en anaquiños.

[caption id="attachment_1122" align="aligncenter" width="500" caption="Envolvemos o rolo"][/caption]

Pechamos o pano e atámoslle un fío como unha rede para que non se desfaga.

[caption id="attachment_1127" align="aligncenter" width="500" caption="Rematamos co fío"][/caption]

4.- Colamos o caldo de restos de gambas, espiñas, etc...

[caption id="attachment_1128" align="aligncenter" width="500" caption="Colamos o caldo"][/caption]

e nel cocemos o rolo ½ h. aproximadamente.

[caption id="attachment_1129" align="aligncenter" width="500" caption="Cocemos o rolo"][/caption]

5.- Retirámolo e deixámolo refriar.

[caption id="attachment_1132" align="aligncenter" width="500" caption="Retirámolo do caldo"][/caption]

Quitámoslle o fío e a tea con coidado. Servimos frío con salsa maionesa, rosa e/ou vinagreta.

[caption id="attachment_1133" align="aligncenter" width="500" caption="Resultado final"][/caption]

Salteado de fideos con carne e verduras

Acórdame facer esta receita ou unha similar cando teño que aproveitar moitos restos de verduras variadas, polo que nunca a fago igual.

[caption id="attachment_1014" align="aligncenter" width="500" caption="Salteado de fideos con carne e verduras"][/caption]

Outras veces fágoa para aproveitar carne, como un ou dous filetes, que para unha comida non dan pero para un salteado si. Para este, sigo unha receita do libro Wok y salteados, que trae moitas variantes:

Ao salteado engádolle uns fideos chineses para facer máis consistente o prato.

Como varío moito os ingredientes en función do que teño na neveira, reproduzo a receita base, e comento que acheguei eu nesta ocasión.

Ingredientes (para 4 persoas):

• 300 gr. de fideos chinos (opcional)


• 350 gr. de filete de carne (tenreira, porco, polo,...)


• 1 cebola vermella


• 1 calabacín


• 1 cenoria


• 1 pemento vermello


• 1 col chinesa pequena


• 150 gr. de brotes de soia


• 1 bote de bambú en conserva


• 150 gr. de anacardos tostados


• Aceite de xirasol


• Sal

Para a salsa:

• 3 culleradas de xerez semiseco


• 3 culleradas de salsa de soia


• 1 culleriña de xenxibre moído


• 1 dente de allo


• 1 culleriña de fariña de millo


• 1 cullerada de pasta de tomate

Elaboración

1.- Cortamos todas as verduras en xuliana ou rodas, con coitelo ou raiador, finas.

[caption id="attachment_1020" align="aligncenter" width="500" caption="Cortamos todas as verduras"][/caption]

(Cambiei a col chinesa por lombarda, que tiña que gastala, e engadín un pouco de pemento verde e champiñóns).

2.- Facemos o mesmo coa carne.

[caption id="attachment_1021" align="aligncenter" width="500" caption="Carnes"][/caption]

(Nesta ocasión, eu aproveitei uns filetes de peituga de polo e xamón).

3.-Imos preparando a salsa, mesturando os seus ingredientes.

[caption id="attachment_1100" align="aligncenter" width="150" caption="Deixamos lista a salsa"][/caption]

4.- Quentamos ben un wok e engadimos dúas culleradas de aceite. Imos ir engadindo por pasos os ingredientes:

a) A cebola e a carne, durante 4-5 minutos, ata que a cebola abrande e a carne doure.

[caption id="attachment_1022" align="aligncenter" width="500" caption="Pasamos a cebola e a carne"][/caption]

b) Cenoria, pemento e calabacín, outros 5 minutos (eu tamén engadín os champiñóns).

[caption id="attachment_1023" align="aligncenter" width="500" caption="Seguimos engadindo verduras"][/caption]

c) A col chinesa (eu, lombarda), os brotes de soia e o bambú, 2-3 minutos (ata que a col reduza).

[caption id="attachment_1024" align="aligncenter" width="500" caption="Engadimos as últimas verduras"][/caption]

d) Mesturámoslle os anarcardos (eu engadinlle neste momento o xamón).

[caption id="attachment_1095" align="aligncenter" width="500" caption="Botamos os anacardos"][/caption]

e) Engadimos a salsa, mesturamos e deixamos que ferva dous os tres minutos ata que espese.

[caption id="attachment_1101" align="aligncenter" width="500" caption="Botamos a salsa"][/caption]

5.- Mentres (opcional), cócense os fideos en abundante auga e un pouco de sal. Para iso, botámolos na auga, apagamos o lume e deixámolos tres minutos dentro.

[caption id="attachment_1102" align="aligncenter" width="500" caption="Cócense os fideos"][/caption]

Ao pasar o tempo, reméxense cun garfo,

[caption id="attachment_1103" align="aligncenter" width="150" caption="Remexemos cun garfo"][/caption]

escórrense, enfríanse con auga fría e resérvanse.

[caption id="attachment_1104" align="aligncenter" width="150" caption="Escorrémolos"][/caption]

6.- Salteamos finalmente un pouco todo cos fideos (eu esquecinme) e servimos no momento.

[caption id="attachment_1107" align="aligncenter" width="500" caption="Resultado final"][/caption]

Presumindo de blog

Aínda non incluín nada no blog, pero presumo que non vexas cos amigos/as...

Parásitos nos peixes

Vou facer un post que non me gustaría ter que facelo, pero estou tan enfadada que me vexo na obriga. Ás veces pasa que comprando peixe no teu sitio de confianza, véndenche algo que está infectado de vermes . Recoñezo que eu tardei en saber que eran bichiños, pois nas peixerías son os primeiros en dicir que é graxa do peixe ou cousas así. Fago esta entrada porque supoño que a moitos/as vos pasaría igual e non sabedes identificar estes vermes. Foi o Mestre Alfredo quen llelo explicou a Cachelo e Pataca Brava nun curso.

Falarei dos dous que coñezo: o anisakis e a tenia da castañeta.

ANISAKIS: Segundo a wikipedia "Denomínanse anisákidos a un grupo de vermes nematodos que parasitan, en estado adulto, os mamíferos mariños. No home son causa da enfermidade denominada anisaquiase, producida pola inxestión de larvas vivas presentes no peixe, cando o consome cru ou insuficientemente cociñado."

Desgrazadamente, este verme aparece cada vez máis en peixes tan frecuentes como a pescada. Fixádevos na tea negra (peritoneo) que ten no ventre, pois baixo ela aparecen ás veces enroscadiños uns vermes pequenos:

[caption id="attachment_1073" align="aligncenter" width="500" caption="Presenza do anisakis na pescada"][/caption]

Se levantades todo o negro, aparecerán máis, ben case na superficie, ou ben máis profundos, como sombras negras:

[caption id="attachment_1074" align="aligncenter" width="500" caption="Múltiples anisakis"][/caption]

Hai que ter moito coidado con este parásito, pois o ser humano pódeo contraer ao comer o pescado cru ou pouco cociñado. Por iso, eu optei desta vez por conxelar a pescada (unha vez que tentei quitar todos os vermes) para empregala a posteriori en vez de fresca, como pretendía.

Cousas a ter en conta do anisakis:

• As especies parasitadas máis frecuentes son: bacallau, sardiña, boquerón, arenque, salmón, abadexo, pescada, pescadilla, xarda, bonito, xurelo, etc., e a lura, dentro dos cefalópodos.


• Débese evitar a inxesta do peixe cru, marinado ou pouco cociñado, incluíndo as preparacións caseiras en vinagre, afumados, salazón, marinados, peixes á prancha ou ao microondas insuficientemente feitos, etc.


• Limpar ben o peixe e sacar as vísceras o antes posible, conxelalo se se quere consumir cru e cociñalo correctamente. As larvas morren coa cocción a 60ºC polo menos durante 10 minutos, ou mediante a conxelación durante máis de 24 horas a unha temperatura de -20ºC (o peixe conxelado ou ultraconxelado en alta mar, que foi eviscerado rapidamente, ten poucas posibilidades de estar parasitado).

TENIA: na miña casa sempre se comeu a castañeta, e con frecuencia traía uns "fíos de graxa" que a miña nai acostumaba quitar.

[caption id="attachment_1062" align="aligncenter" width="256" caption="Castañeta (Brama brama)"][/caption]

Agora sabemos que son vermes, concretamente tenias, polo que á miña nai case lla dá un soponcio e nunca máis mercou este rico peixe... Pero facía unha receita con el (rolo de castañeta; ver post do prato) que no verán nos encanta, así que eu merqueina para facela e traía os bichiños:

[caption id="attachment_1144" align="aligncenter" width="500" caption="Parásitos"][/caption]

Este parásito lévao o peixe adherido ao músculo:

[caption id="attachment_1143" align="aligncenter" width="500" caption="Tenias na castañeta"][/caption]

[caption id="attachment_1065" align="aligncenter" width="276" caption="Cestodo (Gymnorhynchus gigas)"][/caption]

Este non está probado que pase ao ser humano, pero non está demais sacarllo cando nos topemos con el, non?

[caption id="attachment_1145" align="aligncenter" width="500" caption="Sacarémosllos, ou?"][/caption]

Fusilli con tomate e vinagre balsámico

[caption id="attachment_1036" align="aligncenter" width="500" caption="Fusilli con tomate e vinagre balsámico"][/caption]

Outra receita mais, do libro “La biblia de la pasta”. Non é a miña intención publicar o libro enteiro, pero é que este prato o preparei tantas veces que xa o considero da casa, e como aquí publicamos as receitas que facemos na casa ...

É este un prato sinxelo, fácil de preparar, que non leva carnes nin peixes (-> para vexetarian@s!!). Ten un sabor moi moi rico e un tanto sorprendente, e por iso gostamos tanto de cociñalo e servilo na mesa. A clave estea na acertada combinación de sabores dos ingredientes, polo que non se deben cambiar por cousas similares e deben ser de calidade.

Ingredientes (2 persoas):

[caption id="attachment_1037" align="aligncenter" width="500" caption="Ingredientes dos fusilli con tomate"][/caption]

• 1 lata grande de tomate enteiro en conserva (uns 800 g)


• 2 anacos de tomate seco en aceite, cortados moi finos (moi bós os de El Navarrico)


• 2 dentes de allo, esmagados e cortados finos


• un pouco de aceite de oliva


• 1 culler de azucre


• 250 g de fusilli (hélices)


• 1 ou 2 culleres de vinágre balsámico (vinagre de Módena)


• Sal e pementa negra


• 50 g de queixo pecorino; como eu non o atopei, uso o queixo parmesano, cortado en virutas ou láminas finas


• Unha taza de follas de rúcola frescas, un pouco picadas (as do Carrefour non son boas)

Elaboración:

[caption id="attachment_1038" align="aligncenter" width="500" caption="Tomates en lata picados"][/caption]

1. Picamos un pouco os tomates e reservamos xunto coa propia auga que ven na lata. Rustrimos suavemente no aceite o allo e os tomates secos, sen que se queimen, e logo engadimos os tomates de lata, o azucre, sal e pementa, e a maioría da auga da lata de tomate. Cociñamos a salsa a bo lume durante uns minutos e logo deixamos que se faga a lume lento, uns 20 ou 30 minutos.
   
   [caption id="attachment_1039" align="aligncenter" width="280" caption="Cociñando a pasta e o tomate"][/caption]


2. Imos cociñando a pasta adecuadamente con aceite e sal en auga fervendo.


3. Cando a salsa estea lista, engadimos o vinagre balsámico e cociñamos un par de minutos.
   
   [caption id="attachment_1040" align="aligncenter" width="500" caption="Rúcola e queixo parmesano"][/caption]


4. A pasta escorrida se mestura coa salsa nun recipiente que estea quente (para que non enfríe tan facilmente). O queixo e a rúcola se poden botar sobre a pasta ou servilos aparte.