Peixe en papillote

Unha receita bastante sinxela, bastante rápida e moi sa.

[caption id="attachment_1599" align="aligncenter" width="500" caption="Peixe en papillote"][/caption]

A min non me sae con tanta arte como a Pataca Brava (e menos facéndoa a cachos e atendendo un recén nacido...), pero como el non se anima co recetario, aí vai o meu intento de imitalo. A receita foina formando seguindo indicacións do "mestre Alfredo" sobre os papillotes.


Ingredientes (para dúas persoas)

• Peixe apropiado para papillote (sanmartiño, ollomol, sargo, alistado,...)


• Hortalizas ao gusto (cabaciña, berenxena, cenoria, pemento, porro, champiñón,...)


• Aceite de oliva e sal

Elaboración

1.- Nesta ocasión, empreguei dous sanmartiños pequenos. É un peixe cunha carne tersa, consistente, e moi rica.

[caption id="attachment_1602" align="aligncenter" width="500" caption="Sanmartiños"][/caption]

Eu prefiro facer filetes sen a espiña (nas pescaderías acostuman deixarche un filete con ela), polo que os fago eu na casa, con coidado.

[caption id="attachment_1603" align="aligncenter" width="150" caption="Fileteamos"][/caption]

Unha vez fileteado, botámoslle sal e reservamos.

[caption id="attachment_1604" align="aligncenter" width="500" caption="Botámoslle sal aos filetes"][/caption]

2.- Lavamos as hortalizas escollidas. Podemos usar as que nos apeteza, pero o porro, a cabaciña e os champiñóns quédanlle moi ben.

[caption id="attachment_1608" align="aligncenter" width="500" caption="Hortalizas varias"][/caption]

Cortamos todas máis ou menos do mesmo tamaño, fileteadas. A cabaciña, máis fina, cortámola para poñer de fondo (a min quedoume moi grosa).

[caption id="attachment_1609" align="aligncenter" width="500" caption="Fileteamos as hortalizas"][/caption]

3.- Nunha tixola, botamos un chorro de aceite e refogamos uns minutos a lume suave as hortalizas (menos a cabaciña).

[caption id="attachment_1612" align="aligncenter" width="500" caption="Refogamos as hortalizas"][/caption]

O mellor é facelas a lume lento, e que queden algo al dente, pois logo se rematan no forno (eu fíxenas demasiado). Salgamos o sofrito.

4.- Prequentamos o forno a 180º. Na bandexa do forno, facemos dúas "barcas" con papel de aluminio, elevando os catro lados. No fondo botamos un pouco de aceite de oliva, na zona central e plana.

[caption id="attachment_1617" align="aligncenter" width="500" caption="Preparamos o papel de aluminio"][/caption]

Sobre o aceite, colocamos os anacos de cabaciña, cortada finiña (non como a fixen eu).

[caption id="attachment_1618" align="aligncenter" width="500" caption="Poñemos a cabaciña"][/caption]

Sobre a cabaciña, poñemos as hortalizas.

[caption id="attachment_1621" align="aligncenter" width="500" caption="Colocamos as hortalizas"][/caption]

E sobre ese leito rematamos cos filetes de peixe.

[caption id="attachment_1622" align="aligncenter" width="500" caption="Por último, o peixe"][/caption]

5.- Cortamos outros dous anacos de papel de aluminio, algo máis curtos, e pechamos con eles as "barcas", con coidado de non furalo. Procuraremos que quede abombado, para que non se toquen a tapa e o peixe.

[caption id="attachment_1623" align="aligncenter" width="500" caption="Pechamos o papillote"][/caption]

6.- Metemos no forno de 15 a 20 minutos, dependendo do groso do peixe. Debemos ter coidado ao abrir os paquetes porque o vapor concentrado pode queimarnos.

[caption id="attachment_1624" align="aligncenter" width="500" caption="Resultado final"][/caption]

 

 

"Torrijas"

Logo do "pudrin", vai a outra receita da miña nai para aproveitar pan reseso.

[caption id="attachment_1571" align="aligncenter" width="500" caption=""Torrijas""][/caption]

Trátase dunha sobremesa sinxela e bastante rápida de facer.

Aínda que se aproveite o pan, o certo é que se gasta bastante leite e ovo. A miña nai nolas facía en calquera época do ano (non especialmente polo Entroido ou Semana Santa), para darlle saída a algunha barra de pan que sobrara ou aos ovos, na época en que estes abundan.

[caption id="attachment_1587" align="aligncenter" width="300" caption=""Torrijas" de leite"][/caption]

Hai quen a esta receita lle engade un licor, pero a miña nai nunca foi amiga das sobremesas con alcohol, e eu comparto ese gusto, así que só levan leite, ideais para as criaturas.

Ingredientes:

• 16 rebandas de pan de barra reseso


• 1/2 l. de leite


• 100 gr. de azucre


• 1 limón


• 1 póla de canela


• 5 ovos


• 1 culler rasa de canela en pó


• Aceite de xirasol

Elaboración

1.- Quentamos nunha pota o leite, 50 gr. de azucre, a póla de canela e a tona do limón.

[caption id="attachment_1572" align="aligncenter" width="500" caption="Quentamos o leite"][/caption]

Cando comece a ferver retiramos do lume e deixamos que refríe un pouco (se non, desfarase moito o pan ao mollalo). Botámolo nun recipente baixo que sexa máis cómodo para remollar o pan despois, xa sen a canela e o limón.

2.- Cortamos o pan en rebandas de máis dun dedo de ancho.

[caption id="attachment_1573" align="aligncenter" width="150" caption="Cortamos o pan"][/caption]

3.- Poñemos ao lume unha tixola con abundante aceite (o de xirasol é máis lixeiro). Imos enchoupando no leite o pan con coidado, polos dous lados. O pan pode estar máis ou menos duro, dependendo dos días que teña. Eu usei unha barra do día anterior, así que estaba máis ben branda, e non a mollei demasiado para que non rompera.

[caption id="attachment_1576" align="aligncenter" width="500" caption="Mollamos o pan no leite"][/caption]

Inmediatamente, deixámolo escorrendo o leite sobrante.

[caption id="attachment_1577" align="aligncenter" width="500" caption="Poñemos a escorrer"][/caption]

4.- Batemos os ovos, e collendo con coidado para que non rompan, mollamos as rebandas de pan polos dous lados.

[caption id="attachment_1578" align="aligncenter" width="500" caption="Pasamos polo ovo"][/caption]

Fritimos a lume medio polos dous lados, e imos poñendo nunha fonte con papel absorbente.

[caption id="attachment_1579" align="aligncenter" width="500" caption="Fritimos as rebandas"][/caption]

5.- Mesturamos os 50 gr. de azucre coa canela en pó, e espolvoreamos as torrijas.

[caption id="attachment_1580" align="aligncenter" width="150" caption="Azucre e canela"][/caption]

 

[caption id="attachment_1581" align="aligncenter" width="500" caption="Resultado final"][/caption]

Coliflor gratinada

Estamos en época de coliflor, e esta receita, como acompañamento dunha carne ou peixe, non defrauda nunca.

[caption id="attachment_1540" align="aligncenter" width="500" caption="Coliflor gratinada"][/caption]

A receita está sacada dunha revista dominical, da man de Martín Berasategui. Pero fíxena tantas veces, que xa me apropiei dela.

Ingredientes (para 4 persoas)

• 2 cabezas de coliflor pequenas (ou brécol, cardo, acelga, pataca...)


• 1 cebolleta


• 1/2 l. de leite


• 1 dl. de nata líquida


• 1 cullerada rasa de fariña


• Queixo relado (curado, Idiazábal,...)


• Manteiga, aceite e sal.

Elaboración

1.- Límpase e lávase a coliflor, e córtase en poliñas.

[caption id="attachment_1545" align="aligncenter" width="500" caption="Lavamos a coliflor"][/caption]

Cocémola en abundante auga con sal durante dez minutos, sen tapar a pota. Escorrémola e reservámola.

[caption id="attachment_1546" align="aligncenter" width="500" caption="Cocemos a coliflor"][/caption]

2.- Quentamos o leite xunto coa nata para facer a salsa bechamel.

[caption id="attachment_1547" align="aligncenter" width="150" caption="Leite e nata"][/caption]

3.- Nunha tixola, quentamos unha culler de aceite e unha noz de manteiga. Picamos a cebolleta e sofritímola uns minutos.

[caption id="attachment_1548" align="aligncenter" width="500" caption="Facemos a cebolleta"][/caption]

[caption id="attachment_1549" align="aligncenter" width="500" caption="Sofritímola uns minutos"][/caption]

Engadimos a fariña e comezamos a darlle voltas, ata que se mesture ben coa cebolleta.

[caption id="attachment_1550" align="aligncenter" width="500" caption="Engadimos a fariña"][/caption]

Pasados uns segundos, botamos o leite e a nata quentes, sen deixar de dar voltas.

[caption id="attachment_1551" align="aligncenter" width="500" caption="Facemos a bechamel"][/caption]

Engadimos un chisco de sal e deixamos ferver suavemente cinco minutos. O resultado é unha salsa máis ben líquida.

Prequentamos o forno a 200º.

4.- Cubrimos o fondo dunha fonte para o forno cun pouco de salsa bechamel.

[caption id="attachment_1552" align="aligncenter" width="500" caption="Botamos salsa bechamel"][/caption]

Sobre ela, poñemos a coliflor.

[caption id="attachment_1553" align="aligncenter" width="500" caption="Poñemos a coliflor"][/caption]

Cubrímola coa bechamel sobrante.

[caption id="attachment_1556" align="aligncenter" width="500" caption="Engadimos o resto da salsa"][/caption]

E espolvoreámolo co queixo relado.

[caption id="attachment_1557" align="aligncenter" width="500" caption="Espolvoreamos co queixo"][/caption]

Metemos no forno e gratinamos.

[caption id="attachment_1558" align="aligncenter" width="500" caption="Resultado final"][/caption]

Ensalada de cogollos

Se cadra esta entrada queda moi trapalleira. De feito, nunca pensei publicar esta receita, pero logo de buscar ensaladas por outros blogs para variar un pouco as que ceamos cada día, dinme conta de que esta era tan digna como outra calquera, e a alguén lle podía apetecer facela.

[caption id="attachment_1523" align="aligncenter" width="500" caption="Ensalada de cogollos"][/caption]

Comímola de man da tía Rosa de Pataca Brava en Pamplona. De feito, é exquisita con produtos daquelas terriñas, cogollos de Tudela e espárragos de Navarra. 

É unha ensalada forte, polo que debemos ter coidado de tomala á noite.

Ingredientes (para 4 persoas)

• 3 cogollos


• 12 espárragos grosos


• 12 anchoas


• 1 ou 2 dentes de allo


• Aceite, vinagre e sal

Elaboración

1.- Lavamos os cogollos e partímolos en catro anacos, que dispoñemos nunha fonte. (O cogollo é amargo, e ás veces eu substitúoos por corazóns de leituga, máis suaves, como nesta ocasión).

2.- Poñemos sobre cada parte de cogollo, unha anchoa e, á beira, un espárrago.

3.- Cun machacaallos, desfacemos un dente ou dous moi miudiños, e esparexémolo sobre os cogollos (eu bótolle dous dentes, pero queda moi forte, e pode haber comensais que non lle guste tanto allo).

4.- Aliñamos, no momento de servir, con abundante sal, aceite e vinagre de Módena.

Pasta con salmón e espinacas

Esta receita sacouna Pataca Brava dunha amiga. A combinación de espinacas e salmón é moi frecuente, tanto con pasta como en pizza.

[caption id="attachment_1503" align="aligncenter" width="500" caption="Pasta con salmón e espinacas"][/caption]

Conste que hoxe a receita non me saíu como debería, pois quedeime curta coa nata, así que resultou algo seca. Pero outra vez que a faga e me saia ben, colgarei fotos que lle fagan máis xustiza.

É un prato farturento, e rápido de facer. Eu uso salmón afumado, pero pódese cambiar por salmón fresco, engadíndolle sal (co afumado non é necesario).

Ingredientes (para 2 persoas)

• 200 gr. de pasta


• 300 gr. de salmón afumado


• 300 gr. de espinacas


• 2 ou 3 dentes de allo


• 1/2 l. de nata líquida


• 50 gr. de queixo azul


• 50 gr. de queixo relado


• Aceite de oliva e sal

Elaboración

1.- Temos que facer por separado en dúas tixolas o salmón e as espinacas. Para o peixe, non necesitamos botar nada máis (é moi graxo); simplemente, troceámolo un pouco e dámoslle voltas.

[caption id="attachment_1494" align="aligncenter" width="500" caption="Pasamos o salmón"][/caption]

Cando estea ben feito, apagamos o lume e reservamos.

[caption id="attachment_1495" align="aligncenter" width="500" caption="Reservamos o salmón"][/caption]

2.- Á parte, botamos un pouco de aceite nunha tixola e salteamos o allo fileteado.

[caption id="attachment_1496" align="aligncenter" width="500" caption="Salteamos o allo"][/caption]

Antes de que doure de máis, engadimos as espinacas en anacos.

[caption id="attachment_1497" align="aligncenter" width="500" caption="Botamos as espinacas"][/caption]

Salteamos uns minutos, dando voltas.

3.- Imos cocendo a pasta en auga abundante con sal e un chorro de aceite, o tempo que recomende o fabricante (neste caso, fixen uns fusilli xigantes, que coceron en 12 minutos).

[caption id="attachment_1498" align="aligncenter" width="150" caption="Cocemos a pasta"][/caption]

Escorrémola e reservámola na mesma pota, ao quente.

4.- Mesturamos o salmón e as espinacas e salteámolos xuntos dous minutos.

[caption id="attachment_1499" align="aligncenter" width="500" caption="Xuntamos salmón e espinacas"][/caption]

5.- Botamos a nata líquida e deixamos que coza, a lume lento, uns cinco minutos.

[caption id="attachment_1506" align="aligncenter" width="500" caption="Engadimos a nata"][/caption]

(Na foto vese menos nata da que debería levar, polo que quedou algo seco e demasiado salgado polo salmón).

[caption id="attachment_1507" align="aligncenter" width="500" caption="Cocemos ben"][/caption]

Imos prendendo o forno na opción de gratinado (moita calor, só arriba).

6.- Cortamos o queixo en anacos e botámolo sobre a pasta, que se aínda está quente fundirase sen problema remexendo un pouco.

[caption id="attachment_1508" align="aligncenter" width="500" caption="Fundimos o queixo coa calor da pasta"][/caption]

(Eu non tiña queixo azul, que se desfai mellor. Boteille un asturiano semellante ao de cabrales, pero máis suave).

Dispoñemos a pasta nunha fonte para o forno.

[caption id="attachment_1509" align="aligncenter" width="500" caption="Preparamos nunha fonte para o forno"][/caption]

7.- Enriba, distribuimos o mexunxe de salmón e espinacas.

[caption id="attachment_1513" align="aligncenter" width="500" caption="Botamos a mestura"][/caption]

Cubrímolo co queixo relado para gratinar.

[caption id="attachment_1512" align="aligncenter" width="500" caption="Cubrimos co queixo"][/caption]

8.- Metemos no forno ata que toste un pouco o queixo

[caption id="attachment_1514" align="aligncenter" width="500" caption="Resultado final"][/caption]