Calabacín recheo de verduras

Non sei de onde sacara esta receita, a verdade.



[caption id="attachment_750" align="aligncenter" width="500" caption="Calabacín recheo de verduras"] [/caption]

Acostumo facela cando me sobra un pouco de arroz con carne doutra comida, e sei que busquei por libros de receitas e na internet, e supoño que fixen unha mestura adaptada ao meu gusto. A ver se vos agrada!


Ingredientes     (para 2 persoas)

• 2 calabacíns


• 1 cebola


• 3 tomates maduros


• 1 cunquiña de arroz


• 1 dente de allo


• 100 gr. de carne picada


• Verduras ao gusto: cogumelos, pencas de acelgas, pemento, espinacas, berenxena,...

[caption id="attachment_751" align="aligncenter" width="150" caption="Verduras ao gusto"][/caption]

• Queixo para gratinar ou de barra


• Sal e aceite de oliva

Elaboración

1.- Metemos (para abrandar) o calabacín enteiro ao forno co lume alto (200º) nun recipiente con auga pola metade, unha media hora, dándolle a volta unha vez; ou ben, cocémolo 15 minutos (a pota debe ser grande para que o cubra ben a auga).

[caption id="attachment_743" align="aligncenter" width="500" caption="Abrandamos os calabacíns"][/caption]

2.- Cando estean algo fríos, abrímolos á metade ao longo;

[caption id="attachment_745" align="aligncenter" width="500" caption="Partimos á metade os calabacíns"][/caption]

tirámoslle a semente e cunha culler retirámoslle a carne, que reservamos picada.

[caption id="attachment_744" align="aligncenter" width="500" caption="Baleirámolos"][/caption]

3.- Se temos restos de arroz (paella, con carne,...) mellor; senón, cocémolo agora.

[caption id="attachment_746" align="aligncenter" width="500" caption="Sobras de arroz"][/caption]

Logo, se hai cogumelos, facémolo á parte cun chisco de cebola e allo.

[caption id="attachment_747" align="aligncenter" width="500" caption="Facemos un pouco os cogumelos"][/caption]

A ese refrito funlle aumentando as outras verduras que decidín engadir (berenxena, pemento,...).

[caption id="attachment_764" align="aligncenter" width="500" caption="Pasamos as verduras"][/caption]

4.- Sofritimos a cebola, e cando estea botamos dous dos tomates, picados e sen sementes nin tona (eu xa tiña salsa de tomate embotada).

[caption id="attachment_752" align="aligncenter" width="500" caption="Salsa de tomate"][/caption]

Cocémolo moito, unha media hora, e logo co calabacín picado outra. Salgámolo.

5.- Noutro chisco de aceite, pasamos un pouco a carne picada con allo e sal. Como o arroz que empreguei era de sobras e xa tiña carne, o único que fixen foi separala e picala máis, e engadirlle un pouco de xamón da casa (que sofretín coas verduras).

[caption id="attachment_753" align="aligncenter" width="500" caption="Engadinlle un pouco de xamón caseiro"][/caption]

6.- Prequentamos o forno a 200º. Mesturámolo todo.

[caption id="attachment_756" align="aligncenter" width="500" caption="Recheo finalizado"][/caption]

Metemos a mestura en cada metade do calabacín. Ímolos colocando nunha fonte para o forno untada de aceite.

[caption id="attachment_757" align="aligncenter" width="500" caption="Imos enchendo os calabacíns"][/caption]

Tapámolos co queixo e logo co tomate que faltaba cortado en rodas.

[caption id="attachment_758" align="aligncenter" width="500" caption="Rematamos co tomate"][/caption]

Espolvoreámoslle sal e metemos no forno uns 20 minutos.

[caption id="attachment_759" align="aligncenter" width="500" caption="Resultado final"][/caption]

Arroz con carne

[caption id="attachment_360" align="aligncenter" width="300" caption="Arroz con carne"][/caption]

En cada casa fan o arroz dunha maneira. A miña nai botáballe salchichas e chourizo, penso que para que o comeramos máis a gusto de pequenos/as. Eu sigo facendo como ela este prato, pois me sigue gustando. É ideal para deixar a medio facer pola noite, para rematalo ao día seguinte engadíndolle só o arroz e o caldo.

Esta receita leva bastante hortaliza; eu bótolle as que teña de tempada na neveira, así que, realmente, o prato nunca sae igual…

Ingredientes (para 2 persoas)

• 150 gr. de carne de tenreira


• 150 gr. de polo


• 1 chourizo caseiro


• 4 salchichas tipo frankfurt

[caption id="attachment_362" align="aligncenter" width="300" caption="Carnes"][/caption]

• 1 vaso de arroz redondo


• ½ cebola


• 1 cenoria


• ½ pemento vermello


• 1 tomate maduro e pequeno


• Opcional: outras hortalizas (hoxe: ½ porro, 8 xudías, un anaco de pemento verde)


• ½ vaso de viño branco


• Caldo de verdura, carne ou polo (senón, auga)


• 1 guindilla


• Azafrán, colorante e pirixel


• Sal e aceite de oliva

Elaboración

1.- Se non temos caldo e queremos enriquecer o prato con el, facémolo coas verduras e hortalizas que teñamos (eu botei un porro, dúas cenorias, xudías, pirixel e restos de polo). Fervemos a lume lento media hora, e reservamos.

[caption id="attachment_363" align="aligncenter" width="300" caption="Caldo de verduras e polo"][/caption]

2.- Facemos un refrito coas verduras picadas, a guindilla e tres culleradas de aceite (o tomate aínda non llo botamos), remexendo para que non se queime.

[caption id="attachment_364" align="aligncenter" width="300" caption="Refrito"][/caption]

3.- Cando estean brandiñas botámoslle as carnes en anacos, e deixamos uns minutos, remexendo de cando en vez.

[caption id="attachment_365" align="aligncenter" width="300" caption="Engadimos a carne"][/caption]

Engadímoslle o tomate, sen tona nin semente, en anaquiños. Deixamos tres ou catro minutos máis.

4.- Unha vez listo o refrito, retiramos a guindilla. Botamos o viño e, logo de dous minutos, auga (ou caldo) que cubra a carne, e deixamos que se consuma o líquido (unha ½ hora) a lume lento.

[caption id="attachment_366" align="aligncenter" width="300" caption="Cocemos media horiña"][/caption]

5.- Refogamos na mestura o arroz un minuto, e engadimos os ingredientes que faltan: azafrán e colorante, pirixel, as salchichas e o chourizo en anacos, sal e 2½ vasos de caldo (colado).

[caption id="attachment_367" align="alignleft" width="300" caption="Refogamos o arroz..."][/caption]

[caption id="attachment_368" align="alignright" width="300" caption="... e o resto dos ingredientes"][/caption]

6.- Facemos 20’, e outros 5 de repouso antes de comer.

[caption id="attachment_369" align="aligncenter" width="300" caption="Resultado final"][/caption]

Arroz con bacallau

Así é como o fai, máis ou menos, a miña nai. Mirando receitas doutros blogues e webs, a miúdo empregan o bacallau fresco. A min gústame así, co regusto ao bacallau salgado. Mercámolo sempre na feira en Portugal, a moi bo prezo e de grande calidade. Desalgámolo e conxelámolo en anacos para diferentes usos.



[caption id="attachment_279" align="aligncenter" width="300" caption="Arroz con bacallau"][/caption]



É unha receita sinxela que serve para aproveitar os toros de bacallau "mal feitos".

Ingredientes (para 2 persoas):

• 1 cebola pequena


• 1/2 pemento verde


• 1 tomate pequeno e maduro


• 400 gr. de bacallau desalgado (ou sexa, un bo toro)


• 1 cunca de arroz


• 1 culleriña de pementón doce


• 2 cuncas de fumet de peixe


• Aceite de oliva

Elaboración:

1.- Desmigamos o bacallau, tendo coidado de non deixar ningunha espiña.

[caption id="attachment_264" align="aligncenter" width="300" caption="Desfacemos o bacallau"][/caption]

2.- Á parte, se non temos caldo de peixe facemos un fumet coas hortalizas que nos apeteza (porro, cebola, pemento, cenoria,...), restos de peixe e abundante auga fría a lume forte.

[caption id="attachment_267" align="alignright" width="300" caption="Eliminamos a escuma que se forma na superficie"][/caption]

[caption id="attachment_272" align="alignleft" width="300" caption="Fumet de peixe"][/caption]

Imos eliminando a escuma que se vai formando na superficie. Cando ferva, engadímoslle un vaso de viño branco seco e deixamos só 5' máis (baixando o lume), apagamos e reservamos. Para usalo, coámolo cunha tea e o que nos sobre, conxelámolo en porcións para outras ocasións.

3.- Facemos un refrito coa cebola e o pemento, ben picadiños. Cando vaia estando, podemos engadir o tomate, tamén picadiño e sen tona nin sementes.

[caption id="attachment_265" align="aligncenter" width="300" caption="Refrito"][/caption]

4.- Engadimos o bacallau e dámoslle unhas voltas.

[caption id="attachment_275" align="aligncenter" width="300" caption="Engadimos o bacallau"][/caption]

5.- Botamos o arroz, que tamén refogaremos un pouco. Logo, o pementón e o caldo, deixando que ferva todo a lume lento.

[caption id="attachment_277" align="aligncenter" width="300" caption="Deixamos de 15 a 20'"][/caption]

6.- Antes de que a auga se consuma, probámoslle o sal. Polo sal do bacallau, xeralmente non é necesario engadirlle nada. Deixamos que repouse uns minutos, e servimos.

[caption id="attachment_278" align="aligncenter" width="300" caption="Resultado final"][/caption]