Pasta con atún ou cogomelos

Esta pasta, de preparación rápida, ensinouma a facer Roberto. Podémola facer con atún en conserva, ou ben con cogomelos.



[caption id="attachment_431" align="aligncenter" width="300" caption="Pasta con atún ou cogomelos"][/caption]



Nesta ocasión, aproveitei un atún fresco que me deu a miña nai xa preparado, e tamén lle botei unhas espinacas frescas apañadas en Couso.



[caption id="attachment_433" align="alignleft" width="300" caption="Atún fresco para aproveitar..."] [/caption]

[caption id="attachment_434" align="alignright" width="300" caption="... e unhas espinacas da horta"][/caption]




Hai que aproveitar todo!




Ingredientes (para 4 persoas):

• 400 gr. de pasta de cores


• 1 lata grande ovalada de atún en aceite de oliva, ou 1 bandexa de cogomelos


• 1 cebola


• 1 cenoria


• 200 gr. de espinacas picadas (opcional)


• Uns anacos de queixo (azul, curado, roquefort, afumado... os que teñamos ou queiramos)


• 400 ml. de nata líquida


• 2 dentes de allo


• Albahaca, pementa negra...


• Sal e aceite de oliva

Elaboración

1.- Cócese a pasta en abundante auga con sal e un chorro de aceite de oliva, ata que estea “al dente”. Reservámola.

2.- Facemos un sofritido coa cebola picada e a cenoria.

[caption id="attachment_436" align="aligncenter" width="300" caption="Refrito de cebola e cenoria"][/caption]

Cando estea feitiño, engadimos os cogomelos e o allo, ou ben o atún desfeitiño (e nesta ocasión, as espinacas).

3.- Cando se faga, botamos a nata e deixamos que coza uns minutos, coidando de que non se pegue.

[caption id="attachment_437" align="aligncenter" width="300" caption="Cocemos coa nata"][/caption]

4.- Cortamos o queixo en anaquiños e engadímosllos para que se desfagan ben co calor. Apagamos o lume, probamos o sal (os queixos aportan moito), botámoslle se fai falta, e máis as especias.

5.- Nunha fonte, poñemos a pasta e o preparado e mesturamos ben.

[caption id="attachment_438" align="aligncenter" width="300" caption="Resultado final"][/caption]